ఓ అధ్యయనం ప్రకారం రోజుకు కనీసం 30 నిమిషాల పాటు… వారంలో కనీసం ఐదు రోజులు నడవాలి. అరగంట నడక గుండె ఆరోగ్యానికి ఎంతో మేలు చేస్తుంది. అలాగే బరువు తగ్గాలంటే కనీసం 45 నిమిషాలు నడవాలి. వాకింగ్ కోసం బరువుగా లేని మెత్తని కుషన్ కలిగిన షూస్ ఎంచుకోవాలి. సౌకర్యంగా ఊపిరి తీసుకునేందుకు వీలుగా, కాస్త వదులుగా ఉండే దుస్తులను ధరించాలి.
ముందుకు లేదా వెనక్కి వంగి నడవకూడదు. భుజాలు వదులుగా రిలాక్స్డ్ గా ఉంచుకోవాలి. ఎడమ కాలు కుడి చెయ్యి ముందుకు, ఎడమ చెయ్యి, కుడికాలు ముందుకు కదిలే విధంగా ఒకే వేగంతో నడవాలి. క్రమం తప్పకుండా స్ట్రెచెస్ చేస్తే ఒళ్ళు నొప్పులు రావు. వాకింగ్ తరువాత స్ట్రెచ్చింగ్ చేస్తే మంచిది. వాకింగ్ సమయంలో దాహంగా అనిపిస్తే ఒక గుటక నీళ్లు తాగితే చాలు.
బాటిల్ నీళ్లు ఖాళీ చేయకూడదు. ఇలా ప్రతిరోజు వాకింగ్ చేస్తే ఎటువంటి ఆరోగ్య సమస్యలు దరిచేరవు. అలాగే పెద్ద వయసు వారు కూడా ఒక పది నిమిషాలు పాటు వాకింగ్ చేయడం చాలా మంచిది. ఇలా రోజు వాకింగ్ చేయడం వల్ల రోజంతా చాలా యాక్టివ్ గా, ఆరోగ్యంగా, సంతోషంగా ఉంటారు. అలాగే మైండ్ కూడా చాలా ప్యూర్ గా ఉంటుంది.