ప్రపంచ సినీపరిశ్రమలోనే అత్యున్నత పురస్కారం అయిన ఆస్కార్ మన తెలుగు సినీ పాటకు తలొంచింది. అమెరికాలోని లాస్ ఏంజెల్స్ లో గల డాల్బీ థియేటర్ లో ఆదివారం జరిగిన 95వ ఆస్కార్ అవార్డు వేడుకలో `ఆర్ఆర్ఆర్`లోని `నాటు నాటు` పాట బెస్ట్ ఒరిజినల్ సాంగ్ విభాగంలో అవార్డును సొంతం చేసుకుంది.
సంగీత దర్శకుడు ఎంఎం కీరవాణి, లిరిసిస్ట్ చంద్రబోస్ అవార్డును స్వీకరించారు. నాటు నాటు పాటకు ఆస్కార్ రావడంతో `ఆర్ఆర్ఆర్` టీమ్ మొత్తం సంబరాల్లో మునిగిపోయారు. మరోవైపు భారతీయ సినీ ప్రియులందరూ `ఆర్ఆర్ఆర్`కు ఆస్కార్ రావడం పట్ల కలర్ ఎగరేస్తున్నారు. అయితే ఆస్కార్ అవార్డును అందుకున్న అనంతరం రామ్ చరణ్, ఉపాసన దంపతులు మీడియాతో ముచ్చటించారు.
ఆర్ఆర్ఆర్ ఫ్యామిలిలో భాగంగా నేను కూడానా వచ్చాను అంటూ ఉపాపస చెబుతుండగా.. రామ్ చరణ్ అందుకుని `తాను ఇప్పుడు ఆరు నెలల గర్భవతి. పుట్టబోయే బిడ్డకు ఇప్పుడే చాలా ప్రేమ లభిస్తోంది. కడుపులో ఉండగానే ఆ బిడ్డ మాకు అదృష్టాన్ని తెచ్చిపెడుతోంది` అంటూ రాంచరణ్ ఎమోషనల్ కామెంట్స్ చేశారు. దీంతో చరణ్ కామెంట్స్ కాస్త నెట్టింట వైరల్ గా మారాయి. మరోవైపు `ఆర్ఆర్ఆర్` టీమ్కు సినీ, రాజకీక ప్రముఖులు సోషల్ మీడియా ద్వారా అభినందనలు తెలుపుకున్నారు.