టాలీవుడ్ లో అతి తక్కువ టైమ్‌లోనే స్టార్ హీరోయిన్‌గా గుర్తింపు తెచ్చుకున్న వారిలో రష్మిక మందన్న ముందు వరుసలో ఉంటారు. ఛ‌లో సినిమాతో టాలీవుడ్‌కు పరిచయమైన ఈ ముద్దుగుమ్మ మొదటి సినిమాతోనే తన కెరియర్‌లోనే బిగ్గెస్ట్ హిట్ అందుకొని వరుస సినిమాలతో దూసుకుపోయింది. ఇక తాజాగా గత సంవత్సరం వచ్చిన పుష్ప సినిమాతో పాన్ ఇండియా లెవెల్ లో అదిరిపోయే హిట్ అందుకుని సూపర్ క్రేజ్ ను సొంతం చేసుకుంది. ఈ సినిమాతో బాలీవుడ్ లో కూడా వరుస సినిమాలు చేస్తూ మరో లెవల్ కు వెళ్ళింది.
అయితే ఇప్పుడు రష్మికపై ఓ ఇంట్రెస్ట్ న్యూస్ సోషల్ మీడియాలో వైరల్ గా మారింది. ఆ వార్త ఏమిటంటే రీసెంట్‌గా ఎన్టీఆర్ 30 వ సినిమాకు హీరోయిన్‌గా రష్మికను ఎంపిక చేసినట్టు టాక్ వచ్చింది. అయితే ఈ ప్రాజెక్ట్ రష్మిక వద్దకు వచ్చినప్పుడు.. ఈ ముద్దుగుమ్మ భారీ స్థాయిలో రెమ్యూనరేషన్ అడిగినట్లు తెలుస్తుంది. దాదాపు రూ. 6 కోట్లుకు పైగా రెమ్యూనిరేషన్ డిమాండ్ చేసిందట. ఇక ఈ సినిమా మేకర్స్ అంత మొత్తం ఇవ్వడానికి ఒప్పుకోలేదట. రష్మిక సైతం ఏమాత్రం వెనక్కి తగ్గలేదట నిర్మొహమాటంగా ఎన్టీఆర్ 30వ సినిమాను రిజెక్ట్ చేసిందని సోషల్ మీడియాలో ప్రచారం జరుగుతుంది.
దీంతో ఈ చిత్ర యూనిట్ రష్మికకు బదులుగా బాలీవుడ్ ముద్దుగుమ్మ జాన్వీ కపూర్ ను ఈ సినిమాకు ఎంపిక చేశారని… దాదాపు ఆమె హీరోయిన్ గా ఫైనల్ అయిందని టాక్ వినిపిస్తుంది. ఇక ఇప్పుడు ఈ విషయం తెలిసిన రష్మిక ఫ్యాన్స్ మాత్రం ఆమెను తీవ్రస్థాయిలో వ్యతిరేకిస్తున్నారు. కేవలం రెమ్యునరేషన్ కోసం ఎన్టీఆర్ 30 వంటి పాన్ ఇండియా ప్రాజెక్ట్ ను వదులుకొని తప్పు చేసిందంటూ సోషల్ మీడియాలో కామెంట్ పెడుతూ ఆమెను ట్రోల్ చేస్తున్నారు.