ప్రస్తుతం ఆది పినిశెట్టి హీరోగా నటిస్తున్న సినిమా క్లాప్. ఈ సినిమా లో ఆది పినిశెట్టి స్ప్రింటర్ పాత్రల్లోకనిపించనున్నారు. ఈ సినిమాకు పృథ్వి ఆదిత్య దర్శకత్వం వహించారు. ఐబి కార్తికేయన్ సమర్పణలో రామాంజనేయులు జవ్వాజి, ఏం రాజశేఖర్ రెడ్డి నిర్మించిన ఈ సినిమా త్వరలో విడుదల కానుంది. అయితే తాజాగా ఈ సినిమాకు సంబంధించి సరికొత్త పోస్టర్ ను చిత్ర యూనిట్ విడుదల చేసింది. ఈ సినిమా స్పోర్ట్స్ డ్రామా గా తెరకెక్కుతుంది. ట్రాక్ పై స్ప్రింట్ కి రెడీగా ఉన్న ఆది ఈ చిత్రం టీజర్ కి సంబంధించిన అప్డేట్ ను పోస్ట్ ద్వారా వెల్లడించడం జరిగింది.
తమిళ తెలుగు భాషల్లో రూపొందిన ఈ సినిమాకు ఇళయరాజా సంగీతం అందించారు. ఒలింపిక్స్ లో భారతదేశం నుంచి ప్రతిభను ప్రదర్శిస్తున్న నందున మా సినిమా టీజర్ విడుదల కు ఇది సరైన సమయం అని భావించి ఈ నెల 6న రిలీజ్ చేస్తున్నామని చిత్ర బృందం తెలిపింది. ఈ సినిమాలో ఆకాంక్ష సింగ్, కృష్ణా కురూప్, ప్రకాష్ రాజ్ పలువురు కీలక పాత్రలో నటిస్తున్నారు.