బ్రహ్మోత్సవం భారీ పరాజయం తరువాత ప్రిన్స్ మహేష్ బాబు తదుపరి సినిమా విషయంలో దేన్నీతేలిగ్గా తీసుకోవడం లేదు.సినిమా టైటిల్ దగ్గరినుండి అన్ని విషయాల్లో చాలా శ్రద్ద తీసుకుంటున్నట్టు కనిపిస్తోంది. ప్రముఖ డైరక్టర్ మురుగదాస్ దర్శకత్వంలో ప్రిన్స్ మహేశ్ బాబు హీరోగా ఓ భారీ చిత్రంలో నటిస్తున్న సంగతి తెలిసిందే. తెలుగు తమిళ భాషల్లో రూ.80 కోట్ల బడ్జెట్టుతో తెరకెక్కించే ఈ చిత్రానికి ‘వాస్కో డా గామా’ అనే టైటిల్ పెడుతున్నట్టు ఇటీవల వార్తలొచ్చాయి. అయితే ఆ టైటిల్లో మాస్ అప్పీల్ లేదనుకున్నారో ఏమో ఇందులో వాస్తవం లేదని స్వయంగా మురుగదాస్ చెప్పాడు. తమ సినిమాకి ఇప్పటివరకూ ఎలాంటి టైటిల్ అనుకోలేదని అన్నాడు.
జూలై 15 నుంచి మహేశ్-మురుగదాస్‌ల చిత్రం ప్రారంభమవనుంది. షూటింగును రామోజీ ఫిల్మ్ సిటీలో నిర్వహించడానికీ ఏర్పాట్లు చేస్తున్నారు. ప్రతిష్టాత్మకంగా తెరకెక్కుతున్న ఈ సినిమా తమిళ వెర్షన్ కు మహేశ్ సొంతంగా డబ్బింగ్ చెబుతారట. చెన్నయ్ లోనే పుట్టిపెరగడం వల్ల మహేశ్ కి తమిళం బాగా వచ్చు. దీంతో ఆయనతోనే డబ్బింగ్ చెప్పించాలని చిత్రబృందం నిర్ణయించింది. ఈ సినిమాలో బాలీవుడ్ భామ పరిణీతి చోప్రా కథానాయిక.