టాలీవుడ్ మెగాస్టార్ చిరంజీవి హీరోగా.. బింబిసార ఫేమ్ మ‌ల్లిడి వ‌శిష్ఠ డైరెక్షన్‌లో రూపొందిన లేటెస్ట్ మూవీ విశ్వంభర. యూవి క్రియేషన్స్ బ్యానర్ పై విక్రమ్, వంశీ, ప్రమోద్ ప్రొడ్యూసర్లుగా సంయుక్తంగా నిర్మించిన ఈ సోషియా ఫాంటసీ డ్రామా ఇప్పటికే రిలీజ్ ఆలస్యం అవుతున్న సంగతి తెలిసిందే. ఈ సినిమా రిలీజ్ డేట్ పై ఫ్యాన్స్ అంతా ఆశ‌క్తి చూపుతున్నారు. ఇలాంటి క్రమంలో.. చిరంజీవి విశ్వంభర అప్డేట్.. అలాగే సినిమా ఇంత‌లా ఆలస్యానికి గల కారణాలు స్పెషల్ వీడియో ద్వారా షేర్ చేసుకున్నారు. ఇక ఈ వీడియోలోనే కొత్త రిలీజ్ డేట్ పై కూడా చిరంజీవి క్లారిటీ ఇచ్చారు.
రేపు ఆగస్టు 22న చిరంజీవి బర్త్డే క్రమంలో.. ఫ్రీ సెలబ్రేషన్స్ భాగంగా ఈ వీడియో ద్వారా చిరు సినిమా విశేషాలను షేర్ చేసుకున్నారు. ప్రస్తుతం ప్రేక్షకులు ముందుకు రావడానికి కారణం.. చాలామందికి విశ్వంభరపై ఉన్న సందేహాలు. విశ్వంభర ఎందుకు ఆలస్యం అవుతుంది అనే విషయంలో మీ సందేహాలు స‌మంజ‌స‌మే అన్ని నేను భావిస్తున్న. ఈ సినిమా సెకండ్ హాఫ్ మొత్తం విఎఫ్ఎక్స్ , గ్రాఫిక్స్ లపై ఆధారపడి ఉంది. ఈ క్రమంలోనే సినిమాను ఆడియన్స్‌కు అత్యుత్తమంగా అందించాలనే ఉద్దేశంతోనే ఈ ఆలస్యం అవుతుంది.
ఎలాంటి విమర్శలకు చోటు ఇవ్వకూడదని సినిమా విషయంలో ఇలాంటి నిర్ణయం తీసుకున్నాం. విశ్వంభర గురించి మాట్లాడాలంటే ఈ సినిమా ఒక అద్భుతమైన కథతో రూపొందింది. చందమామ కథలా సాగిపోయే అందమైన స్టోరీ. చిన్న, పెద్ద తేడా లేకుండా అన్ని వర్గాల ఆడియన్స్‌ను సినిమా ఆకట్టుకుంటుంది. ఈ క్రమంలోనే మూవీ గ్లింప్స్‌ ఈరోజు సాయంత్రం 6:06కి రిలీజ్ చేస్తున్నాం. సినిమాను అందరూ ఎంజాయ్ చేస్తారు అని నమ్ముతున్నా. విశ్వంభర అందరికీ ఇష్టమైన 2026 సమ్మర్లో రిలీజ్ అవుతుంది. ఫుల్ గా ఎంజాయ్ చేసేయండి అంటూ చిరంజీవి వీడియోని షేర్ చేసుకున్నారు. ప్రస్తుతం ఈ వీడియో నెటింట వైరల్‌గా మారుతుంది.