టాలీవుడ్ యంగ్ హీరో సిద్దు జొన్నలగడ్డ హీరోగా అనుపమ హీరోయిన్గా నటించిన తాజా చిత్రం టిల్లు స్క్వేర్. సితార ఎంటర్టైన్మెంట్స్, ఫార్చ్యూన్ ఫోర్ సినిమాస్ బ్యానర్లపై మల్లిక్ రామ్ దర్శకత్వంలో తెరకెక్కిన ఈ మూవీ మార్చ్ 29న ప్రేక్షకుల ముందుకి వచ్చి భారీ విజయాన్ని సొంతం చేసుకుంది. ఇక మొదటి నుంచే ఈ మూవీ పై భారీ హైప్స్ నెలకున్నాయి.
దీంతో సినిమా రిలీజ్ అనంతరం కూడా ఆ హైప్స్ ని అందుకోగలిగింది. ఇక ప్రస్తుతం ఈ మూవీ భారీ కలెక్షన్స్ రాబడుతూ దూసుకుపోతుంది. ఈ క్రమంలోనే తాజాగా ఓ ఇంటర్వ్యూలో పాల్గొన్న సిద్దు మరియు నిర్మాత నాగవంశీ మూవీ గురించి పలు ఆసక్తికర విషయాలు పంచుకున్నారు. సిద్దు మాట్లాడుతూ..” టిల్లు స్క్వేర్ మూవీ ఫ్లాప్ అవుతుందని చాలామంది కామెంట్స్ చేశారు.
మేము దాన్ని పట్టించుకోలేదు. ఈరోజు థియేటర్లో రిలీజ్ అయిన ఈ మూవీ ఎలాంటి సందడి చేస్తుందో నేను ప్రత్యేకంగా చెప్పాల్సిన పనిలేదు. రెండు గంటలసేపు స్టాండప్ కామెడీ ఉంటుంది. అంతే కాకుండా చాలామంది ట్విట్టర్లో కూడా రివ్యూస్ ఇస్తున్నారు. నవ్వి నవ్వి సచ్చిపోతే ఎవరు రెస్పాన్సిబిలిటీ అంటున్నారు. అది చాలు మాకు ” అంటూ చెప్పుకొచ్చాడు సిద్దు. ప్రస్తుతం ఈయన వ్యాఖ్యలు సోషల్ మీడియాలో వైరల్ అవుతున్నాయి.