వివాదాస్పద దర్శకుడు రామ్ గోపాల్ వర్మ గురించి ప్రత్యేకంగా చెప్పక్కర్లేదు. ఎప్పటికప్పుడు ఏదో ఒక రకంగా సోషల్ మీడియాలో వైరల్ అవుతూనే ఉంటాడు రామ్ గోపాల్ వర్మ. ఇక ఈయన తాజాగా తెరకెక్కిస్తున్న పొలిటికల్ మూవీ ” వ్యూహం “. ఆంధ్రప్రదేశ్ ముఖ్యమంత్రి వైయస్ జగన్మోహన్ రెడ్డి జీవితంలో జరిగిన సంఘటనల ఆధారంగా ఈ మూవీ రూపొందించాడు ఆర్జీవి.
అయితే ఈ మూవీలో జగన్ను పాజిటివ్గా.. ప్రతిపక్ష పార్టీలకు చెందిన వారిని నెగిటివ్గా చూపించడం జరిగిందని నేపథ్యంలో.. ఈ మూవీ రిలీజ్ ను నిలిపివేయాలని టీడీపీ జాతీయ ప్రధాన కార్యదర్శి నారా లోకేష్ కేసు వేశారు. రామ్ గోపాల్ వర్మ తెరకెక్కించిన ” వ్యూహం ” సినిమాకు ఇచ్చిన సెన్సార్ సర్టిఫికెట్ను రద్దు చేయాలని కోరుతూ నారా లోకేష్ దాఖలు చేసిన పిటిషన్ పై ఈరోజు తీర్పు ఇవ్వాల్సి ఉంది.
అయితే తెలంగాణ హైకోర్టు ఈ కేసు విచారణ వాయిదా వేస్తూ.. 28వ విచారణ చేపడతారని తెలిపింది. ఇక 29న ఈ సినిమా రిలీజ్ కావడానికి సిద్ధంగా ఉండగా.. ఈ టైంలో కేసు వాయిదా పడడం ఆర్జీవి కు మరోసారి షాక్ తగిలిందనే చెప్పాలి. ఇక దీంతో టీడీపీ ఫ్యాన్స్ పండగ చేసుకుంటున్నారు.