సూపర్ స్టార్ రజినీకాంత్, డైరెక్టర్ నెల్సన్ కాంబినేషన్లో వచ్చిన సినిమా ” జైలర్ “. ఈ మూవీ ఆగస్టు 9న రిలీజ్ అయ్యి బాక్సాఫీస్ వద్ద భారీ కలెక్షన్లు రాబట్టింది. కొన్ని రోజులుగా వరుస పరాజయాలు అందుకుంటున్న రజనీకాంత్ కు ఈ మూవీ బ్లాక్ బస్టర్ హిట్ ఇచ్చింది.
అంతేకాకుండా.. ఈ సినిమా ప్రపంచవ్యాప్తంగా దాదాపు రూ. 650 కోట్లు వసూలు చేసింది. అయితే ఇంతటి బ్లాక్ బస్టర్ సినిమాను ఓ హీరో రిజెక్ట్ చేశాడని కోలీవుడ్ సోషల్ మీడియాలో ఓ వార్త వైరల్ అవుతుంది. ఆ హీరో మరెవరో కాదు.. మన మెగాస్టార్ చిరంజీవినే అట. డైరెక్టర్ నెల్సన్ దిలీప్ కుమార్ మొదట ఆ కథను చిరంజీవికి వినిపించాడట.
అయితే.. అందులో పెద్దగా పాటలు లేవు, ఫైట్లు లేవంటూ చిరంజీవి ఈ సినిమాపై అంతగా ఆసక్తి చూపించలేదట. దీంతో ఈ భారీ ప్రాజెక్ట్ రజినీకాంత్ దక్కించుకున్నట్లు కోలీవుడ్ లో టాక్ నడుస్తుంది. ఈ వార్తలో ఎంతవరకు నిజం ఉందో తెలియదు కానీ.. ఈ మూవీ చిరంజీవి చేసుంటే.. మెగాస్టార్ లిస్టులో మరో బ్లాక్ బస్టర్ చేరేది అంటూ అభిమానులు కామెంట్స్ చేస్తున్నారు.