సీతారామం మూవీతో ఓవర్ నైట్ గా గుర్తింపు సంపాదించుకున్న బాలీవుడ్ ముద్దుగుమ్మ మృణాల్ ఠాకూర్.. ప్రస్తుతం టాలీవుడ్ లో బిజీ బ్యూటీగా మారిపోయింది. చేతి నిండా సినిమాలతో దూసుకుపోతోంది. ఇప్పటికే న్యాచురల్ స్టార్ నానికి జోడీగా `హాయ్ నాన్న` మూవీలో నటిస్తోంది. అలాగే విజయ్ దేవరకొండతో ఓ మూవీకి కమిట్ అయింది. మరోవైపు రామ్ చరణ్, బుచ్చిబాబు కాంబోలో తెరకెక్కబోతున్న `ఆర్సీ 16`లోనూ మృణాల్ ను హీరోయిన్ గా ఎంపిక చేశారని ఇన్సైడ్ టాక్ నడుస్తోంది.
ఈ సంగతి పక్కన పెడితే.. మృణాల్ కన్ను ఇప్పుడు కోలీవుడ్ పైన కూడా పడింది. త్వరలోనే ఓ స్టార్ హీరో మూవీతో తమిళంలోకి అడుగు పెట్టబోతోంది. టాలెంటెడ్ హీరో శివ కార్తికేయన్, ప్రముఖ దిగ్గజ దర్శకుడు ఏఆర్ మురుగదాస్ కాంబినేషన్ లో ఓ సినిమా పట్టాలెక్కబోతోంది. లైకా ప్రొడెక్షన్స్ బ్యానర్ పై భారీ బడ్జెట్ తో ఈ మూవీని నిర్మించబోతున్నారు.
అనిరుధ్ సంగీతం అందించబోతున్నాడు. అయితే ఈ చిత్రంలో శివ కార్తికేయన్ కు జోడీగా మృణాల్ ఠాకూర్ ను ఎంపిక చేశారట. ఇప్పటికే సంప్రదింపులు సైతం పూర్తి అయ్యాయట. ఏడాది చివర్లో ఈ సినిమా స్టార్ట్ కాబోతోంది. ప్రస్తుతం ప్రీ ప్రొడెక్షన్ పనులు జరుగుతున్నాయి. అయితే ఈ సినిమాకు మృణాల్ పుచ్చుకుంటున్న రెమ్యునరేషన్ హాట్ టాపిక్ గా మారింది. తమిళంలో డెబ్యూ మూవీ అయినా కూడా మృణాల్ ఏకంగా రూ. 4 కోట్ల రేంజ్ లో రెమ్యునరేషన్ ఛార్జ్ చేస్తుందని ఇన్సైడ్ టాక్.