ప్రస్తుతం టాలీవుడ్ లో పాన్‌ ఇండియా సినిమాలతో ప్రేక్షకుల ముందుకు రాబోతున్న హీరోలలో ప్రభాస్, ఎన్టీఆర్, రామ్ చరణ్, మహేష్ ముందు వరుసలో ఉన్నారు. ఇప్పటికే ప్రభాస్ నటిస్తున్న ఆది పురుష్‌ సినిమా వచ్చేనెల 16న ప్రేక్షకులకుు ముందుకు రానుంది. ఈ సినిమా ఫస్ట్ లుక్ ట్రైలర్ కూడా ప్రేక్షకులను ఎంతగానో ఆకట్టుకుంది. వీరితోపాటు రామ్ చరణ్ కూడా తన 15వ సినిమాని సెన్సేషనల్ డైరెక్టర్ శంకర్ తో చేస్తున్నాడు. ఆ సినిమాకు గేమ్ ఛేంజర్ అనే టైటిల్ కూడా కన్ఫర్మ్ చేసి…. ఫస్ట్ లుక్ కూడా రివిల్ చేశాడు.
వీటితో పాటు పవన్ కళ్యాణ్- సాయిధరమ్ తేజ్ కలిసి నటిస్తున్న బ్రో ఫస్ట్ లుక్ పోస్టర్ కూడా రీసెంట్గా ప్రేక్షకుల ముందుకు వచ్చింది. ఇప్పుడు తాజాగా ఎన్టీఆర్ పుట్టినరోజు సందర్భంగా ఎన్టీఆర్- కొరటాల కాంబోలో వస్తున్న ఎన్టీఆర్ 30 సినిమా ఫస్ట్ లుక్ టైటిల్ కూడా నిన్న రాత్రి రివిల్ చేశారు. ఈ సినిమాకు దేవర అనే ఓ పవర్ ఫుల్ టైటిల్ ఫిక్స్ చేశారు. ఇక అందులో ఎన్టీఆర్ లుక్ కూడా బీభత్సంగా ఉంది. ఇక ఇప్పుడు వీరందరిలో మిగిలింది మహేష్ బాబు మాత్రమే.
మహేష్ కూడా తన 29వ సినిమాని త్రివిక్రమ్‌తో చేస్తున్నాడు. ఈ సినిమా షూటింగ్ ఎప్పుడో ప్రారంభం అవగా మధ్యలో కొన్ని అవరోధాలు కారణంగా వాయిదా పడుతు వచ్చింది. ఇప్పుడు ఈ సినిమా షూటింగ్ ఎంతో శరవేగంగా జరుగుతుంది. అయితే ఈ సినిమా నుంచి ఎటువంటి అప్డేట్స్ కూడా త్రివిక్రమ్ బయటకు రానివ్వటం లేదు. ఈ సినిమాలో మహేష్ బాబు లుక్ చాలా డిఫరెంట్ గా ఉండబోతుందని తెలుస్తుంది.
గత నెలలో మహేష్ బాబు లుక్‌కు సంబంధించి ఓ పోస్టర్ మాత్రం రివిల్ చేశారు. ఆ పోస్టర్ తప్పించి ఈ సినిమా నుంచి ఎటువంటి అప్డేట్ కూడా ఇప్పటికి బయటకు రాలేదు. తాజా అప్డేట్ ఏమిటంటే ఈనెల 31న సూపర్ స్టార్ కృష్ణ జయంతి సందర్భంగా త్రివిక్రమ్ ఈ సినిమా టైటిల్ మహేష్ బాబు లుక్ రివిల్ చేయబోతున్నారని తెలుస్తుంది. మరి ఈ సినిమాలో మహేష్ ఎలాంటి లుక్ లో కనిపిస్తాడో చూడాలి.