ప్రముఖ వ్యాపారవేత్త గాలి జనార్దన్ రెడ్డి తనయుడు కిరీటి రెడ్డి హీరోగా పరిచయమవుతూ, శ్రీలీల హీరోయిన్‌గా, జెనీలియా కీలక పాత్రలో నటించిన చిత్రం “జూనియర్”. భారీ ప్రమోషన్స్ తర్వాత విడుదలైన ఈ సినిమా ప్రేక్షకులను ఎంతవరకు ఆకట్టుకుందో చూద్దాం.
కథా :
అభినవ్ (కిరీటి) ఒక బ్రిలియంట్ స్టూడెంట్. చిన్నతనంలో తన నాన్న కోదండపాణి (వి రవిచంద్రన్) వల్ల కోల్పోయిన మధురమైన జ్ఞాపకాలను తిరిగి పొందాలనే కోరికతో జీవిస్తుంటాడు. యువతలో తన స్నేహితులతో కలిసి జీవితాన్ని ఎంజాయ్ చేస్తూ, స్పూర్తి (శ్రీలీల) ప్రేమలో పడతాడు. ఆమె జాబ్ చేసే “రైస్ సొల్యూషన్స్” అనే కంపెనీలో చేరిన అభినవ్, అక్కడే సీఈఓగా రానున్న విజయ సౌజన్య (జెనీలియా)తో పరస్పర విరోధాన్ని ఎదుర్కొంటాడు. ఆ తరువాత ఈ ముగ్గురి కథ ఎలా మలుపు తిరుగుతుంది , అభినవ్ ఫ్లాష్‌బ్యాక్ ఏమిటి, విజయకు అతనితో ఉన్న సంబంధమేంటి అన్నది మిగతా కథ.
పాజిటివ్ పాయింట్స్:
కిరీటి డెబ్యూ: యంగ్ హీరో కిరీటి తన తొలి సినిమాలో గట్టి స్టాంప్ వేసాడు. స్క్రీన్ ప్రెజెన్స్, స్టైలిష్ లుక్స్, ఎనర్జిటిక్ మ్యానరిజం అద్భుతంగా పండించాడు.
డాన్స్ పెర్ఫార్మెన్స్: ఈ సినిమా అసలు హైలైట్ కిరీటి డాన్స్ అనడంలో సందేహం లేదు. మొదటి పాట నుంచే స్పెషల్ సాంగ్ వరకు ప్రోత్సాహకరంగా నృత్యాలు చేశాడు. శ్రీలీలతో కూడిన సాంగ్‌లో ఆమెను తానే డామినేట్ చేశాడు.
టెక్నికల్ అసెట్స్: దేవిశ్రీ ప్రసాద్ సంగీతం ఆకట్టుకుంది. సెంథిల్ కుమార్ సినిమాటోగ్రఫీ విశేషంగా ఉంది. విజువల్స్ గ్రాండ్‌గా కనిపించాయి. కొన్ని ఎమోషనల్ సీన్స్ మాత్రం ఆకట్టుకున్నాయి, ముఖ్యంగా ఫ్లాష్‌బ్యాక్‌లో.
నెగెటివ్ పాయింట్స్:
బలహీనమైన కథ: సినిమా ప్రధానంగా కిరీటి పరిచయానికి మాత్రమే అంకితమైందన్న భావన కలుగుతుంది. కంటెంట్ పరంగా కొత్తదనం లేదు. కథ కూడా రొటీన్ & పాత తరహాలో సాగుతుంది.
ఫస్టాఫ్ డల్: మొదటి భాగం చాలా బోరుగా సాగుతుంది. ఎటూ వెళ్లని స్క్రీన్‌ప్లే, సంబంధం లేని సీన్స్ సినిమాకి ఇమేజ్ తగ్గించాయి.
న‌టిన‌టుల ప‌నితీరు: శ్రీలీలకు పరిమిత పాత్ర. జెనీలియాకు అర్ధం కాని రోల్. రావు రమేష్, అచ్యుత్ లాంటి మంచి నటులను కూడా వృథా చేసారు.
డైరెక్షన్ లో లోపాలు: దర్శకుడు రాధాకృష్ణ రెడ్డి, కథపై కన్నా కిరీటీని హైలైట్ చేయడంపైనే ఎక్కువ దృష్టి పెట్టారు. కథనం పాతబడి, ఇంటెన్సిటీ లేకుండా సాగిపోతుంది. విలన్ పాత్ర కూడా బలహీనంగా ముగుస్తుంది.
తీర్పు:
“జూనియర్” సినిమా కిరీటి తన టాలెంట్‌తో ఆకట్టుకునే ప్రయత్నం చేసిన సినిమా. అయితే, కంటెంట్ లో నలుపు లేకపోవడం, కథానాయకుడిని మినహాయించి మిగతా అంశాలు బలహీనంగా ఉండటం వల్ల సినిమా ఆశించిన స్థాయిలో ప్రభావం చూపించలేకపోయింది. కొన్ని మాస్ మూమెంట్స్, డ్యాన్స్ స్కిల్స్ తప్పిస్తే ఇది చాలా మిక్స్‌డ్ ఫీల్ కలిగించే సినిమా.
రేటింగ్: 2.5/5