ప్రతిరోజు రిఫరెషింగ్‌ కోసం ఆరెంజ్ చేసిన తాగడానికి చాలామంది ఇష్టపడుతుంటారు. అలాగే ఇది ఆరోగ్యానికి కూడా ఎన్నో ప్రయోజనాలు కల్పిస్తుందని వారు నమ్ముతూ ఉంటారు. అయితే వేసవిలో ఆరెంజ్ జ్యూస్ తాగడం వల్ల ఎలాంటి ప్రయోజనాల్లో కలుగుతాయో తెలిస్తే తప్పక ఆశ్చర్యపోతారు. వేసవిలో ఎదురయ్య ఎన్నో సమస్యలకు ఆరెంజ్ జ్యూస్‌తో చెక్ పెట్టవచ్చు. వేసవిలో చిన్నవారి నుంచి పెద్దవారి వరకు డిహైడ్రేషన్ సమస్యలు ఎదుర్కొంటూ ఉంటారు. అయితే ఆరెంజ్ జ్యూస్ లో పుష్కలంగా నీరు, ఎలక్ట్రోలైట్స్ ఉండడంతో డిహైడ్రేషన్ సమస్యకు చెక్ పెట్టవచ్చు. ఇందులో ఉండే విటమిన్ సి రోగనిరోధక శక్తిని పెంచడానికి.. వేసవిలో వచ్చే అంటూ వ్యాధుల నుంచి ప్రొటెక్ట్ చేయడానికి కీలకపాత్ర వహిస్తుంది.
ఆరెంజ్ జ్యూస్‌తో ఉండే యాంటీ ఆక్సిడెంట్లు చర్మాన్ని దెబ్బ తీసే ప్రీరాడికల్స్ నుండి రక్షించడానికి వేసవిలో వేడిమికి.. చర్మం డేమేజ్ కాకుండా ఉండడానికి కీలకపాత్ర వహిస్తాయి. ఆరంజ్ జ్యూస్ తాగడం వల్ల చర్మం ఆరోగ్యంగా మెరుస్తుంది. ఇందులో ఉండే ఫైబర్ జీర్ణ క్రియను మెరుగుపరిచి వేసవిలో జీర్ణ సమస్యలకు చెక్ పెడుతుంది. ఆరెంజ్‌లో షుగర్స్ సమృద్ధి గ లభిస్తాయి. ఇవి ఇన్స్టంట్ ఎనర్జీని పెంచడానికి.. వేసవిలో వేడి వాతావరణం కారణంగా అలసట సమస్యలు త‌లెత్తకుండా ఉండడానికి సహకరిస్తాయి. ఇలా వేసవిలో ఆరెంజ్ జ్యూస్ తాగడం వల్ల ఎన్నో ఆరోగ్య సమస్యలకు చెక్ పెట్టవచ్చు.
అలాగే ఇందులో పొటాషియం సమృద్ధిగా ఉంటుంది. ఇది రక్తపోటును నియంత్రించడానికి.. గుండె ఆరోగ్యాన్ని మెరుగుపరచడానికి తోడ్పడుతుంది. ఇందులో ఉండే యాంటీ ఇన్ఫ్ల‌మెంట‌రీ గుణాలు కండరాల నొప్పి, వాపును తగ్గించడానికి సహకరిస్తాయి. అయితే ఏదైనా మితంగా తీసుకోవడం వల్ల ఆరోగ్యానికి ప్రయోజనం ఉంటుంది. అదే ఎక్కువ స్థాయిలో ఆహారం లేదా పానీయాలను శరీరంలోనికి పంపించడం అసలు మంచిది కాదు. రోజుకు ఒక్క గ్లాస్ ఆరెంజ్ జ్యూస్ తాగడం వల్ల మంచి ప్రయోజనాలు ఉంటాయి. మధుమేహం లేదా ఇతర ఆరోగ్య సమస్యలు ఉన్నవారు వైద్యుడుని సంప్రదించిన తర్వాత ఆరెంజ్ జ్యూస్ తాగడం మంచిది.