‘ నువ్విలా ‘ సినిమాతో టాలీవుడ్ ఎంట్రీ ఇచ్చిన యామీ గౌతమ్ కు తెలుగు ప్రేక్షకులకు ప్రత్యేక పరిచయం అవసరం లేదు. ఈ సినిమా తర్వాత గౌరవం, యుద్ధం, కొరియర్ బాయ్ కళ్యాణ్ లాంటి ఎన్నో సినిమాల్లో నటించి మెప్పించింది. నితిన్‌తో నటించిన కొరియర్ బాయ్ కళ్యాణ్ సినిమాతో ఈమెకు మంచి పాపులారిటీ దక్కింది. తెలుగులోనే కాకుండా సౌత్ సినిమాలన్నింటిలోనూ మెప్పించిన ఈ ముద్దుగుమ్మ తర్వాత బాలీవుడ్ ఎంట్రీ ఇచ్చి అక్కడ పాపులర్ బ్యూటీగా మారిపోయింది.
తాజాగా తన ప్రేగ్నెన్సీ వార్త నెట్టింట తెగ వైరల్ అవుతుంది. యామి గౌతమ్ తన మొదటి బిడ్డకు జన్మని ఇవ్వబోతుంది అంటూ బాలీవుడ్ మీడియాలో వార్తలు వినిపిస్తున్నాయి. నిర్మాత.. భర్త ఆదిత్య ధ‌ర్‌తో తను మొదటి బిడ్డను ఆశిస్తున్నారట ఈ జంట. ప్రస్తుతం ఆమెకు ఐదో నెల అని సమాచారం. పెళ్లైన మూడు ఏళ్లకు ఈ జంట గుడ్ న్యూస్ చెప్పడంతో ఫ్యాన్స్ అంతా ఆమెకు విషెస్ తెలియజేస్తున్నారు. ఈ ఏడాది పండంటి బిడ్డకు జన్మనింపాలంటూ వాళ్లు బ్లెస్ చేస్తున్నారు.
సౌత్‌కు చెందిన యామి గౌతమ్ బాలీవుడ్ లో ప్రస్తుతం వరుస సినిమాలో నటిస్తూ దూసుకుపోతుంది. ప్రస్తుతం ఆర్టికల్ 360 సినిమాలో నటిస్తున్న ఈమె ప్రమోషన్స్ లో సందడి చేస్తుంది. ఈ క్రమంలో యామి గౌతమ్ గురించి అభిమానులకు శుభవార్త వినిపిస్తున్న.. ఈ జంట అయితే ఇప్పటి వరకు అఫీషియల్ గా దానిని ప్రకటించలేదు. త్వరలోనే ఈ జంట తమ అభిమానులకు ఈ శుభవార్తను అఫీషియల్ గా ప్రకటిస్తారని భావిస్తున్నారు.