సుకుమార్ కాంపౌండ్ నుంచి వచ్చిన దర్శకులలో బుచ్చిబాబు సాన తన మొదటి సినిమా ఉప్పెనతో అదిరిపోయే ఇండస్ట్రీ హిట్‌ను తన ఖాతాలో వేసుకున్నాడు. తొలి సినిమాతోనే అలాంటి సూపర్ హిట్ అందుకున్న ఈ దర్శకుడు తర్వాత సినిమాలపై ఎన్నో ఎక్స్పెక్టేషన్లు వ‌చ్చ‌యి. ఆ అంచనాలకు తగ్గట్టు తన తర్వాత సినిమాని జూనియర్ ఎన్టీఆర్ తో చేస్తున్నానని ప్రకటించాడు. ఆ సినిమాకు సంబంధించిన స్క్రిప్ట్ వర్క్ కూడా జరగగా ఈ సినిమా అనౌన్స్మెంట్ అవుతుందన్న సమయంలోనే ఎన్టీఆర్- బుచ్చిబాబు ప్రాజెక్ట్‌కు నో చెప్పాడు.
ఆ తర్వాత తన రెండో సినిమాను కొన్ని రోజుల తర్వాత రామ్ చరణ్ తో అనౌన్స్ చేశాడు. ఈ సినిమాతో అయినా తన కష్టాలు తీరి 2023 నుంచి రెగ్యులర్ షూటింగ్ మొదలుకానుందని కామెంట్లు వచ్చాయి. అయితే ఇప్పుడు ఈ డైరెక్టర్‌కు మరో బిగ్ షాక్ తగిలిందని టాలీవుడ్ వర్గాల్లో టాక్ వినిపిస్తుంది. చరణ్- బుచ్చిబాబు సినిమాకు ఓకే చెప్పినా ఈ సినిమా సెట్స్ పైకి వెళ్ళడానికి ఇంకా చాలా సమయం పడుతుందని కామెంట్లు వినిపిస్తున్నాయి. రామ్ చరణ్ ప్రస్తుతం సెన్సేషనల్ డైరెక్టర్ శంకర్ తో తన 15వ సినిమాలో నటిస్తున్నాడు.
ఈ సినిమా పూర్తయిన వెంటనే మరో క్రేజీ దర్శకుడు నర్తన్ తో ఓ సినిమా చేయడానికి చరణ్ ఓకే చెప్పినట్టు కామెంట్లు వినిపిస్తున్నాయి. బుచ్చిబాబు సినిమా కన్నా ముందే చరణ్ నర్తన్‌తో సినిమా చేయాలనుకుంటున్నాడని తెలుస్తుంది. రామ్ చరణ్ మాత్రం ఆ విధంగా చేస్తే బుచ్చి బాబుకు ఇదే పెద్ద షాకే అని చెప్పాలి. తన మొదటి సినిమా వచ్చి నాలుగు సంవత్సరాల వస్తున్న ఇప్పటికే తన రెండో సినిమా మొదలుపెట్టలేదు.
ఈ క్రమంలోనే చరణ్ బుచ్చిబాబు గురువు సుకుమార్ తో కూడా సినిమా చేయాల్సి ఉంది. అయితే ఇప్పటికే సుకుమార్- రామ్ చరణ్ తో చేయబోయే సినిమాకు సంబంధించిన స్క్రిప్ట్ వర్క్ మొత్తం పూర్తి చేసినట్టు తెలిసింది. రామ్ చరణ్ బుచ్చిబాబు సినిమా ఆలస్యంగా మొదలవుతుందో లేదో ఈ సినిమాపై ఒక స్పష్టత రావాల్సి ఉంది. ఇక ఈ విషయంపై త్వరలోనే ఈ సినిమా యూనిట్ క్లారిటీ ఇస్తుందో లేదో తెలియాల్సి ఉంది.