నట‌సింహ బాలకృష్ణ ప్రస్తుతం వ్యాఖ్యాతగా చేస్తున్న షో అన్ స్టాపబుల్… తన కెరియర్‌లో తొలిసారిగా హోస్ట్ గా చేసిన షో కూడా ఇదే. సినీ సెలబ్రిటీలు పాల్గొంటున్న ఈ షో మొదటి సీజన్ ఎవరు ఊహించని సక్సెస్ అయ్యింది. ఆ సీజన్ ఇండియాలోనే నెంబర్ వన్ టాక్ షో గా పేరు తెచ్చుకుంది. ఇప్పుడు జరిగే రెండో సీజన్ కూడా మొదటి సీజన్ ను మించి అదరగొడుతుంది. ఇప్పటికే ఆరు ఎపిసోడ్‌లు కంప్లీట్ చేసుకున్న ఈ సీజన్‌లో.. సినీ సెలబ్రిటీస్ తో పాటు పలువురు రాజకీయ నాయకులతో కూడా బాలయ్య చేసిన రచ్చ మాములుగా లేదు.
అయితే ఇప్పుడు ఈ షో కి ఇద్దరు స్టార్ హీరోలు రాబోతున్నారు. ఆ హీరోల ఎపిసోడ్ లో ఏ ఎపిసోడ్ ఎక్కువ వ్యూస్ రాబట్టుకుంటుందో చూడాలంటే మరి కొన్ని రోజులు ఆగాల్సిందే. ముందుగా న్యూ ఇయర్ కనుకగా ప్రభాస్ ఎపిసోడ్ ఆహలో స్ట్రీమింగ్ కాబోతుంది. దినికి సంబంధించిన ప్రోమోస్ ఒక్కోటి బయటకు రాగా వాటికి భారీ రెస్పాన్స్ కూడా వస్తుంది.
బాలయ్య- ప్రభాస్ మధ్య సంభాషణలు చూస్తుంటే ఎంతో ఆసక్తికరంగా మారింది. ఆ ఎపిసోడ్‌లో ప్రభాస్ తో పాటు మరో హీరో గోపీచంద్ కూడా సందడి చేయబోతున్నారు. ఈ ఎపిసోడ్ రెండు భాగాలుగా టెలికాస్ట్ చేయబోతున్నారని కూడా తెలుస్తుంది. మొదటి ఎపిసోడ్ న్యూ ఇయర్ కానుకగా డిసెంబర్ 30 న ఆహా లో స్ట్రీమింగ్ చేయబోతున్నారు. తరవాత రెండో ఎపిసోడ్ జనవరి 6న స్ట్రీమింగ్ చేయబోతున్నారు. ఇక ఈ ఎపిసోడ్ తర్వాత బాలయ్య షోకి పవర్ స్టార్ పవన్ కళ్యాణ్ కూడా రాబోతున్నారు.
మొన్నే షూటింగ్ జరుపుకున్న ఈ ఎపిసోడ్ కూడా సంక్రాంతి కానుకగా ఆహాలో విడుదల చేయనున్నారు. న్యూ ఇయర్ కి ఈ ఎపిసోడ్ కు సంబంధించిన ప్రోమోను విడుదల చేయబోతున్నారని తెలుస్తుంది. ఈ రెండు ఎపిసోడ్స్ లో ఏ ఎపిసోడ్ ఎక్కువ వ్యూస్ రాబట్టుకుంటుంది.. ఏది బ్లాక్ బస్టర్ హిట్‌గా నిలుస్తుందో అని చర్చ మొదలైంది. చూడాలి మరి ఈ రెండు ఎపిసోడ్‌లో ఏది పై చెయ్యి సాధిస్తుందో.