టాలీవుడ్ యంగ్ అండ్ టాలెంటెడ్ హీరో రాజ్ తరుణ్, కశిష్ ఖాన్ జంటగా నటిస్తున్న తాజా చిత్రం `అనుభవించు రాజా`. శ్రీను గవిరెడ్డి దర్శకత్వం వహించిన ఈ చిత్రం నవంబర్ 26న ప్రేక్షకుల ముందుకు రానుంది. ఈ నేపథ్యంలోనే జోరుగా ప్రమోషన్స్ నిర్వహించిన చిత్ర యూనిట్.. తాజాగా కింగ్ నాగార్జున చేతుల మీదగా ట్రైలర్ను విడుదల చేయించారు.
విలేజ్ లో పక్కా మాస్ కుర్రాడు అనిపించుకున్న హీరో.. హీరోయిన్ కోసం ఆమె పని చేస్తున్న కంపెనీ సెక్యూరిటీ గార్డుగా మారతాడు. ఆ తర్వాత ఆమెను ప్రేమలో దింపేందుకు హీరో పడే పాట్లు ట్రైలర్లో ఫన్నీగా చూపించారు. అలాగే విలేజ్ బ్యాక్ డ్రాప్ లో కనిపించిన స్టోరీ సీన్స్ కూడా ఫ్రెష్ గా ఉన్నాయి.
`బంగారంగాడి మనసు సినిమా హాల్ లాంటిది .. వారానికో సినిమా వత్తావుంటది .. పోతావుంటది .. ఏదీ పర్మినెంట్ గా ఆడదు ఇక్కడ` అని రాజ్ తరుణ్ చెప్పే డైలాగ్ ఆకట్టుకుంటోంది. మొత్తానికి అదిరిపోయిన ఈ ట్రైలర్ సినిమాపై మంచి అంచనాలను క్రియేట్ చేసింది. నటుడు అజయ్ ఈ మూవీలో విలన్గా కనిపించబోతున్నారు. మరి వరుస ఫ్లాపులతో సతమతమవుతున్న రాజ్ తరుణ్.. ఈసారైనా హిట్ కొడతాడో..లేదో..చూడాలి.