పవర్ స్టార్ పవన్ కళ్యాణ్ కెరీర్ లోనే బిగ్గెస్ట్ డిజాస్టర్ గా నిలిచిన సినిమాలలో పంజా కూడా ఒకటి.. కోలీవుడ్ స్టార్ డైరెక్టర్ విష్ణువర్ధన్ దర్శకత్వంలో వచ్చిన ఈ సినిమాలో పవన్ కళ్యాణ్ కు జంటగా సారా జేన్ డియాస్, అంజలి లవానియా హీరోయిన్లుగా నటించారు. బాహుబలి సినిమాలను నిర్మించిన ఆర్క మీడియా ఈ సినిమాను నిర్మించింది. యువన్ శంకరాజా ఈ సినిమాకు మ్యూజిక్ అందించాడు.
ఈ సినిమాలో పవన్ కళ్యాణ్ హీరోగా నటించడమే కాకుండా సింగర్ గా కూడా మారాడు. ఈ సినిమాలో పాపారాయుడు అంటూ వచ్చే పాటను పవన్ కళ్యాణ్ ఆలపించాడు. 2011లో భారీ అంచనాలతో ప్రేక్షకులు ముందుకు వచ్చిన ఈ సినిమా బాక్సాఫీస్ వద్ద భారీ డిజాస్టర్ గా మిగిలింది. ఈ సినిమా కన్నా ముందే కొమరం పులి, తీన్‌మార్ వంటి వరుస ప్లాప్‌లను తన ఖాతాలో వేసుకుని తీవ్ర నిరాశలో ఉన్న పవన్ కళ్యాణ్ ను ఈ సినిమా మరింత కృంగదీసింది.
బయర్లకు భారీ నష్టాలులు మిగిల్చింది. ఇక్కడ ఆసక్తికరమైన విషయం ఏమిటంటే.. అసలు పంజా మూవీకి ఫస్ట్ ఛాయిస్ పవన్ కళ్యాణ్ కాదట.. మొదట ఈ సినిమా కథ ఓ కోలీవుడ్ స్టార్ హీరో వద్దకు వెళ్ళగా ఆ హీరో రిజెక్ట్ చేశారట. పంజా వంటి డిజాస్టర్ నుంచి తెలివిగా తప్పించుకున్న ఆ హీరో మరెవరో కాదు.. కోలీవుడ్ స్టార్ హీరో అజిత్.. ముందుగా ఈ సినిమా దర్శకుడు విష్ణువర్ధన్ ఈ స్టోరీని అజిత్ వద్దకు తీసుకువెళ్లారట.
అయితే కథ విన్న అజిత్ ఇతర సినిమాలతో బిజీగా ఉన్నానని చెప్పి ఆ సినిమాకు సున్నితంగా నో చెప్పాడట. ఆ త‌ర్వాత పవన్ కళ్యాణ్ వద్దకు వెళ్ల‌గా.. కథ న‌చ్చ‌డంలో వెంట‌నే ఆయ‌న‌కు ఓకే చెప్పారు. క‌ట్ చేస్తే సినిమా బిగ్ డిజాస్టర్ అయింది. అయితే ఈ సినిమా త‌ర్వాత `గ‌బ్బ‌ర్ సింగ్`తో పవన్ పెద్ద హిట్ కొట్టి సక్సెస్ ట్రాక్ ఎక్కారు.