అక్కినేని కుటుంబం నుంచి వచ్చిన మరో హీరో అఖిల్ హీరోగా కెరీర్ ప్రారంభం నుంచి వరుస అపజయాలను అందుకుంటూ వస్తున్నాడు. అఖిల్ కెరీర్ లోనే తాజాగా ప్రేక్షకుల ముందుకు వచ్చిన ఏజెంట్.. అఖిల్కు మరో భారీ డిజాస్టర్ గా మిగిలింది. ఈ సినిమాతో ఎలా అయినా హిట్ కొట్టాలని ఆశ పడ్డా ఈ అక్కినేని హీరోకు మరోసారి నిరాశ మిగిల్చింది.
ఈ సినిమా విడుదలైన మొదటి ఆట నుంచి భారీ నెగటివ్ టాక్ మొట్ట కొట్టుకుని టాలీవుడ్ లోనే అత్యంత చెత్త సినిమాల్లో ఒకటిగా మిగిలింది. ఇప్పుడు ఈ సినిమా టోటల్ కలెక్షన్ ఎలా ఉన్నాయో ? ఇప్పుడు చూద్దాం. ఏజెంట్ ఫైనల్గా థియేటర్లలో పది కోట్ల కలెక్షన్లు కూడా రాబట్టలేకపోయిపోయింది. ఓవరాల్గా థియేట్రికల్ రన్ ద్వారా ఈ సినిమాకు రూ.13.50 కోట్ల గ్రాస్, ఆరు కోట్ల ఇరవై ఐదు లక్షలకుగా షేర్ వచ్చింది.
ఈ సినిమా ప్రీ రిలీజ్ బిజినెస్ రూ.36 కోట్లకుపైగా జరిగినట్లు సమాచారం. దాంతో నిర్మాతలకు ఈ సినిమా ముప్పై కోట్లకుపైగా నష్టాలను మిగిల్చినట్లు తెలిసింది. తెలుగులో నిర్మాతలకు భారీ నష్టాలను మిగిల్చిన సినిమాల్లో ఒకటిగా ఏజెంట్ నిలిచింది. ఈ సినిమా మే 19న సోని లివ్ ద్వారా ఓటీటీ ప్రేక్షకుల ముందుకు రాబోతున్నది. డిజాస్టర్ టాక్ కారణంగానే థియేటర్లో రిలీజైన ఇరవై రోజుల్లోనే ఏజెంట్ ఓటీటీలోకి రాబోతున్నది.