సినీ ఇండస్ట్రీలో సెలబ్రెటీల పెళ్లిళ్లు, విడాకులు చాలా కామన్ గా జరుగుతున్న విషయాలు. అయితే ఒక్కొక్కరు రెండేసి మూడేసి పెళ్లిళ్లు చేసుకున్న సందర్భాలు కూడా ఉన్నాయి. ఇక అసలు విషయానికొస్తే ఇటీవల కోలీవుడ్ స్టార్ కపుల్ ధనుష్ – ఐశ్వర్య‌లు విడాకులు తీసుకుంటున్నారని సంయుక్త ప్రకటనలో వెల్లడించిన సంగతి తెలిసినదే. ఒక్కసారిగా ఆ ప్రకటనతో అభిమానులందరికీ షాక్ ఇచ్చారు.
ధనుష్ – ఐశ్వర్య 2004లో ప్రేమించి పెళ్లి చేసుకున్నారు. 18 ఏళ్ల పాటు కాపురం చేసి ఇద్దరు పిల్లలకు తల్లితండ్రులయ్యాక ఈ విడాకుల నిర్ణయం అందర్నీ బాధించింది. ఇక వీరిద్దరూ విడిపోయినా తర్వాత సోషల్ మీడియాలో తమ పేర్లతోపాటు కలిసి ఉన్న ఫోటోలు కూడా మార్చుకున్నారు. ఇక దీంతో మళ్లీ వీరిద్దరూ కలవరిని అందరూ ఫిక్స్ అయ్యారు.
ఇటీవల స్కూల్లో జరిగిన ఓ ఫంక్షన్ కి వారిద్దరూ పిల్లల కోసం కలిసి హాజరవ్వగా ఆ ఫోటోలు ఇప్పుడు సోషల్ మీడియాలో వైరల్ గా మారాయి. ఇక ఈ ఫోటోలు చూశాక ఈ జంట యధావిధిగా కలిసి ఉంటే బాగుంటుందని వారి అభిమానులు కోరుకుంటున్నారు. అయితే తాజా సమాచారం ప్రకారం ఐశ్వర్య – ధనుష్ ఇద్దరు మళ్లీ కలవబోతున్నారట. అయితే వారి పెద్దలు సమస్యను పరిష్కరించగా ఇక వీరిద్దరూ విడాకుల ప్రతిపాదనను విరమించుకున్నట్లు సమాచారం.
ధనుష్ – ఐశ్వర్య వారి పిల్లల భవిష్యత్తును దృష్టిలో పెట్టుకుని ఈ నిర్ణయం తీసుకున్నట్లు ప్రచారం జరుగుతుంది. మరి ఈ విషయంపై త్వరలోనే అధికారకంగా క్లారిటీ వచ్చే అవకాశం ఉంది. ఇక మళ్లీ ఒక‌టి కాబోతున్న ధనుష్-ఐశ్వర్య.. అంటూ అభిమానులు వారి సంతోషాన్ని వ్యక్తం చేస్తున్నారు.
