బేసిగ్గా తమిళియన్ అయిన హీరోయిన్ సమంత తెలుగులోనే మంచి ప్రాచుర్యం పొందింది. మొదటి సినిమా ‘ఏమాయ చేసావే’తో తెలుగు యువత హృదయాలను మాయ చేసింది సమంత. అనతికాలంలోనే అగ్రహీరోలందరితోను నటిస్తూ స్టార్ హీరోయిన్ గా ఎదిగింది. ఈ క్రమంలో అక్కినేని వారసుడు అయినటువంటి నాగచైతన్యతో ప్రేమ, పెళ్లి వరుసగా జరిగిపోయాయి. తరువాత కొన్ని అనూహ్య కారణాలవలన ఆ జంట విడిపోయింది. ఆ తరువాత సమంత కెరీర్ కాస్త నెమ్మదించినట్టు అనిపించినా, మరలా జెట్ స్పీడుతో పుంజుకొని దూసుకుపోతోంది.
సామ్ కెరీర్ గ్రాఫ్:
ఓ రకంగా ‘ఫామిలీ మాన్ 2’ తరువాత సామ్ కెరీర్ మారిపోయిందని చెప్పుకోవాలి. శాకుంతలం లాంటి పౌరాణిక చిత్రం చేస్తూనే తమిళ మల్టీస్టారర్ సినిమాలో గ్లామర్ రోల్ చేసి ఆకట్టుకుంది. ఈ క్రమంలో బాలీవుడ్‌లో కూడా ఎంట్రీ ఇచ్చినట్టు వార్తలు వస్తున్నాయి. ఇక ఆ మధ్య పుష్ప సినిమాలో ఓ ఐటెం సాంగ్ లో నర్తించి మెప్పించింది సమంత. దాంతో పాన్ ఇండియా రేంజ్ వచ్చేసింది. ఇక కొన్నాళ్ళనుండి ఓ ఆసక్తికరమైన అంశం బయటకు పొక్కింది. అదే సమంతకి హాలీవుడ్లో అవకాశం రావడం.
హాలీవుడ్ సినిమాలో పాత్ర ఇదే:
అవును.. త్వరలో సామ్ ఓ హాలీవుడ్ సినిమాలో నటించనుందని వార్తలు వెల్లువెత్తుతున్నాయి. ఇటీవల సామ్ నటించిన కొన్ని చిత్రాలు చూసిన ఓ హాలీవుడ్ డైరెక్టర్ సమంత ప్రధాన పాత్రలో ఓ ఇంగ్లీష్ సినిమా చేసేందుకు సంప్రదించారట. కాన్సెప్ట్ నచ్చడంతో సమమత వెంటనే గ్రీన్ సిగ్నల్ ఇచ్చిందని వినికిడి. అయితే ఈ సినిమాలోని పాత్ర కాస్త ఛాలెంజింగ్ రోల్ అని తెలుస్తోంది. ఈ హాలీవుడ్ మూవీలో సామ్ లెస్బియన్ పాత్రలో నటించనుందని వార్తలు వస్తున్నాయి. అయితే దీనిపై ఇంకా అధికారిక ప్రకటన వెలువడనుంది.