తమిళ హీరో, నటుడు, నిర్మాత,గాయకుడు శివ కార్తికేయన్ గురించి ప్రత్యేకంగా చెప్పాల్సిన పని లేదు. ఈయన తాజాగా నటించిన సినిమా డాక్టర్. ఈ సినిమాను శివకార్తికేయన్ ప్రొడక్షన్, కేజేఆర్ స్టూడియోస్ సంస్థతో కలిసి నిర్మించారు. ఈ సినిమాకు నెల్సన్ దిలీప్ దర్శకత్వం వహించారు. ఇందులో శివ కార్తికేయన్ సరసన ప్రియాంక మోహన్ హీరోయిన్ గా నటిస్తోంది. ఈ సినిమాకు ప్రముఖ మ్యూజిక్ డైరెక్టర్ అనిరుద్ సంగీతం అందించారు. ఈ సినిమా దసరా కానుకగా అక్టోబర్ 9న థియేటర్స్ లో విడుదల కానుంది.
ఈ సందర్భంగా నటుడు శివకార్తికేయన్ మీడియాతో మాట్లాడుతూ.. ఈ డాక్టర్ సినిమాలో నటించడం నాకు కొత్త అనుభవం. ఇందులో నేను ఆర్మీ డాక్టర్ గా నటించాను.ఇందులో నేను ఏం చేస్తాను ఎవరిని కాపాడుతాను అన్నది సినిమా కథ. నేను ఇప్పటి వరకు నటించిన చిత్రాల్లో యు ఏ సర్టిఫికెట్ పొందిన తొలి చిత్రం ఇదే. దీనికి గల కారణం చిత్రకథ అలాంటిది.అయితే ఈ సీరియస్ సినిమా కాదు,కుటుంబ సమేతంగా చూసి ఎంజాయ్ చేసే చిత్రం అంటూ శివకార్తికేయన్ చెప్పుకొచ్చారు.ఇందులో గ్రాఫిక్ సన్నివేశాలు అధికంగా ఉంటాయి. ఇది పాన్ ఇండియా చిత్రంగా ఉంటుంది. భవిష్యత్తులో మెగా ఫోన్ పట్టాలని ఆలోచన ఉంది అని శివకార్తికేయన్ అన్నారు.