పోలీస్ స్టేషన్లో ఎన్టీఆర్ ఏంటీ..? రామ్ చరణ్ విడిపించ‌డ‌మేంటీ..? అనేగా మీ సందేహం.. అది తెలియాలంటే లేట్ చేయ‌కుండా మ్యాట‌ర్‌లోకి వెళ్లాల్సిందే. ఎన్టీఆర్, రామ్ చరణ్ క‌లిసి న‌టిస్తున్న భారీ మ‌ల్టీస్టార‌ర్ ఆర్ఆర్ఆర్. ద‌ర్శ‌క‌ధీరుడు రాజ‌మౌళి తెర‌కెక్కిస్తున్న ఈ చిత్రం కోసం యావత్ భారతదేశం ఆసక్తికరంగా ఎదురుచూస్తోంది.
ఈ చిత్రంలో ఎన్టీఆర్ కొమ‌రాం భీమ్‌గా, చరణ్ అల్లూరి సీత‌రామ‌రాజుగా క‌నిపించ‌నున్నారు. దాదాపుగా షూటింగ్ పూర్తి చేసుకున్న ఈ చిత్రం అక్టోబ‌ర్ 13న గ్రాండ్ రిలీజ్ కానుంది. ఇదిలా ఉంటే.. తాజాగా ఈ సినిమాకు సంబంధించి ఓ ఫోటో సోషల్ మీడియాలో హల్ చల్ చేస్తోంది. ఆ ఫొటోలో ఎన్టీఆర్ ను పోలిస్ స్టేషన్లో కట్టేసి ఉంచ‌గా.. ఈయ‌న్ను విడిపించేందుకు రామ్ చరణ్ వ‌చ్చిన‌ట్టు క‌నిపిస్తోంది.
ప్ర‌స్తుతం ఈ ఫొటోను అటు ఎన్టీఆర్ ఫ్యాన్స్, ఇటు చరణ్ ఫ్యాన్స్ తెగ వైరల్ చేస్తున్నారు. కాగా, ఈ చిత్రంలో ఆలియా భ‌ట్‌, ఒలివియా మోరిస్ హీరోయిన్లుగా న‌టిస్తుంటే..అజ‌య్ దేవ‌గ‌ణ్‌, శ్రియ త‌దిత‌రులు కీల‌క పాత్ర‌లు పోషిస్తున్నారు. అలాగే ఈ పాన్ ఇండియా మూవీకి ఎంఎం కీరవాణి స్వరాలు స‌మ‌కూర్చుతున్నారు.