యంగ్ టైగ‌ర్ ఎన్టీఆర్, మెగా పవర్ స్టార్ రామ్ చరణ్ హీరోలుగా రాజ‌మౌళి తెర‌కెక్కిస్తున్న తాజా చిత్రం ఆర్ఆర్ఆర్‌. ఈ చిత్రంలో బాలీవుడ్ భామ ఆలియా భ‌ట్ మ‌రియు హాలీవుడ్ బ్యూటీ ఒలివియా మోరిస్ హీరోయిన్లుగా న‌టిస్తున్నారు. ఈ చిత్రంలో ఎన్టీఆర్ కొమ‌రం భీమ్‌గా, రామ్ చరణ్ అల్లూరి సీత‌రామ‌రాజుగా క‌నిపించ‌నున్నారు.
అలాగే ఈ చిత్రాన్ని భారీ బ‌డ్జెట్‌తో పాన్ ఇండియాలో లెవ‌ల్‌లో డీవీవీ దానయ్య నిర్మిస్తున్నారు. ఇదిలా ఉంటే… క‌రోనా సెకండ్ వేవ్ నేప‌థ్యంలో ఆగిన ఈ సినిమా షూటింగ్‌ను సోమ‌వారం హైద‌రాబాద్‌లో రీ స్టార్ట్ చేశారు. చాలా రోజుల తర్వాత మెగా పవర్ స్టార్ రామ్ చరణ్ తిరిగి ఆర్ఆర్ఆర్‌ సెట్‌లో అడుగుపెట్టారు.
ఈ విష‌యాన్ని రామ్‌చ‌ర‌ణ్ హెయిర్ స్టైలిస్ట్ అలీమ్ హ‌కీమ్ క‌న్‌ఫ‌ర్మ్ చేశారు. లాక్‌డౌన్ 2.0ను ఎత్తివేసిన తర్వాత సినిమాల షూటింగ్స్ ప్రారంభ‌మ‌య్యాయి. ఈ నేప‌థ్యంలో రామ్‌చ‌ర‌ణ్‌కు హెయిర్ స్టైల్ చేయ‌డం ద్వారా నా రోజు ప్రారంభ‌మ‌య్యాయి. మ‌నంద‌రి ఫేవ‌రేట్ డైరెక్ట‌ర్ రాజ‌మౌళి ఈ చిత్రాన్ని డైరెక్ట్ చేస్తున్నారు అని ట్వీట్ చేశాడు. అంతేకాదు, చ‌ర‌ణ్‌తో దిగిన ఫొటో కూడా పోస్ట్ చేశాడు.
https://twitter.com/AalimHakim/status/1406838159116099588?s=20