బాలీవుడ్ స్టార్ బ్యూటీ అలియా భట్ రీసెంట్ గా `రాకీ ఔర్ రాణి కీ ప్రేమ్ కహానీ` మూవీతో ప్రేక్షకులను పలకరించిన సంగతి తెలిసిందే. రణ్వీర్ సింగ్ హీరోగా నటించిన ఈ చిత్రానికి కరణ్ జోహార్ దర్శకత్వం వహించాడు. భారీ అంచనాలతో వచ్చిన ఈ చిత్రానికి మిక్స్డ్ టాక్ లభించింది. ఇదిలా ఉంటే.. అలియా భట్ నటించిన హలీవుడ్ డెబ్యూ మూవీ `హార్ట్ ఆఫ్ స్టోన్` రిలీజ్ కు రెడీ అయింది.
టామ్ హార్పర్ దర్శకత్వం వహించిన ఈ అమెరికన్ స్పై యాక్షన్ థ్రిల్లర్ చిత్రం ఆగస్ట్ 11న నేరుగా నెట్ఫ్లిక్స్ ద్వారా విడుదల కాబోతోంది. ప్రస్తుతం చిత్ర టీమ్ తో కలిసి అలియా భట్ ప్రమోషన్స్ లో పాల్గొంటోంది. అయితే తాజాగా ఓ ఇంటర్వ్యూలో అలియా భట్.. హాలీవుడ్ నటి గాల్ గాడోట్ కి తెలుగు ఎలా మాట్లాడాలో నేర్పింది.
అలియా భట్ `అందరికీ నమస్కారం` అంటూ గాల్ కి తెలుగు నేర్పించే ప్రయత్నం చేసింది. మీ అందరికీ నా ముద్దులు అని చెప్పమంది. గాల్ కష్టపడి ఈ లైన్లు చెప్పే ప్రయత్నం చేసింది. నవ్వులు పూయిస్తున్న ఈ వీడియో ప్రస్తుతం సోషల్ మీడియాలో తెగ చక్కర్లు కొడుతోంది. ముఖ్యంగా తెలుగు వారిని ఈ వీడియో బాగా అలరిస్తోంది. నిజానికి అలియా భట్ కు తెలుగు రాదు. కానీ, `ఆర్ఆర్ఆర్` సినిమా షూటింగ్ టైమ్ లో తెలుగు భాషపై కొంచెం పట్టు సాధించింది. ఇప్పుడు తనకు కొంచెం కొంచెం వచ్చిన తెలుగునే అలియా ఏకంగా హాలీవుడ్ నటికి నేర్పే ప్రయత్నం చేయడం అందరి దృష్టిని ఆకర్షించింది.
Alia Bhatt teaching Telugu to Gal Gadot was not on my 2023 Bingo card pic.twitter.com/nsr7UJfwIL
— sagar (@alianator07) August 7, 2023