బాలీవుడ్ స్టార్ హీరోయిన్ అలియా భట్ గురించి ప‌రిచ‌యాలు అవ‌స‌రం లేదు. స్టార్ కిడ్ అయిన‌ప్ప‌టికీ సొంత టాలెంట్ తోనే స్టార్డ‌మ్ ద‌క్కించుకుంది. ఎలాంటి పాత్ర‌లో అయినా ప‌రాక‌య ప్ర‌వేశం చేసి నటించడం అలియా నైజాం. `ఆర్ఆర్ఆర్` మూవీతో ఈ బ్యూటీ సౌత్ ప్రేక్ష‌కుల‌కు కూడా బాగా ద‌గ్గ‌రైంది. త్వ‌ర‌లోనే అలియా భట్ హాలీవుడ్ లోకి ఎంట్రీ ఇవ్వ‌బోతోంది.
అక్క‌డ ఈమె డెబ్యూ మూవీ విడుద‌ల కాబోతోంది. అదే `హార్ట్‌ ఆఫ్‌ స్టోన్`. ఆగ‌స్టు 11న ఈ మూవీ నేరుగా నెట్ ఫ్లిక్స్ లో స్ట్రీమింగ్ అవ్వ‌బోతోంది. అయితే తాజాగా ఓ ఇంట‌ర్వ్యూలో పాల్గొన్న అలియా భట్.. హాలీవుడ్ లో తాను ఫేస్ చేసిన స‌మ‌స్య గురించి బ‌య‌ట పెడితే షాకింగ్ కామెంట్స్ చేసింది. `హార్ట్‌ ఆఫ్‌ స్టోన్ షూటింగ్‌లో అమెరికా ఇంగ్లీష్ యాసను పలికించడం పెద్ద సవాలుగా అనిపించింది.
నాకు ఇంగ్లీష్‌పై మంచి పట్టుంది. నేను ఎక్కువ‌గా ఇంగ్లీష్ నే మాట్లాడ‌తా. కానీ, హాలీవుడ్ సినిమాలో నటించడం తొలిసారి కాబట్టి ఆ యాసలో డైలాగ్స్‌ చెప్పడం చాలా కష్టంగా అనిపించింది. వారం రోజు న‌ర‌కం చూశాను. బాగా ప్రాక్టీస్ చేశారు. ఆ త‌ర్వాత ఆ యాసపై పట్టు దొరికింది.` అంటూ అలియా భట్ చెప్పుకొచ్చింది. దీంతో ఈమె కామెంట్స్ నెట్టింట వైర‌ల్ గా మారాయి. ఇక త్వ‌ర‌లోనే విడుద‌ల కాబోతున్న హార్ట్‌ ఆఫ్‌ స్టోన్ మంచి విజ‌యం సాధిస్తే.. అలియా భట్ హాలీవుడ్ లో మ‌రింత బిజీ అయ్యే అవ‌కాశాలు ఉన్నాయి.