పవర్ స్టార్ పవన్ కళ్యాణ్ ఫ్యాన్స్ కి పూన‌కాలు తెప్పించే గుడ్‌ న్యూస్ ఒకటి బయటకు వచ్చింది. పవన్ కెరీర్ లో సూపర్ హిట్ గా నిలిచిన ఓ సినిమా మరో వారం రోజుల్లో రీ రిలీజ్ కు సిద్ధమయింది. ఇంతకీ ఆ సినిమా మరేదో కాదు తొలిప్రేమ. ఏ కరుణాకర‌న్‌ దర్శకత్వంలో రూపుదిద్దుకున్న ఈ చిత్రంలో కీర్తి రెడ్డి హీరోయిన్ గా నటించింది.
అలాగే వాసుకి, ఆలీ, వేణుమాధవ్, సంగీత తదితరులు కీలక పాత్రల‌ను పోషించారు. పవన్ కళ్యాణ్ త‌న కెరీర్ లో చేసిన నాలుగో సినిమా ఇది. ఎస్.ఎస్.సి. ఆర్ట్స్ బ్యానర్ పై జి.వి.జి.రాజు నిర్మించిన ఈ చిత్రం 1998లో విడుదలై సంచ‌ల‌న విజయాన్ని నమోదు చేసింది. అయితే చాలా ఏళ్ల తర్వాత మళ్లీ ఇప్పుడు ఈ సినిమా థియేటర్స్ లో సందడి చేయబోతోంది.
అప్ప‌ట్లో యూత్ కు పిచ్చి పిచ్చిగా న‌చ్చేసిన ఈ ఎపిక్ ల‌వ్ స్టోరీని 4కె రెజ‌ల్యూష‌న్‌తో జూన్ 30 మళ్లీ రిలీజ్ చేస్తున్నారు. ఈ మేర‌కు అఫీషియల్ అనౌన్స్‌మెంట్ కూడా వ‌చ్చేసింది. మరో వారం రోజుల్లోనే ప్ర‌పంచ‌వ్యాప్తంగా తొలి ప్రేమ మళ్లీ ప్రేక్ష‌కుల ముందుకు రాబోతోంది. మ‌రి రీ రిలీజ్ లో ఈ సినిమాకు ఎలాంటి రెస్పాన్స్ వ‌స్తుందో చూడాలి.