ఏజెంట్ సినిమాతో ఈరోజు ప్రేక్షకుల ముందుకొచ్చాడు యంగ్ హీరో అక్కినేని అఖిల్. సురేందర్ రెడ్డి దర్శకత్వంలో వ‌చ్చిన ఈ సినిమా తొలి షోతో మిశ్రమ స్పందన తెచ్చుకుంది. ఈ మూవీలో అఖిల్ సరసన సాక్షి వైద్య హీరోయిన్‌గా నటించగా.. ఊర్వశి రౌతేలా స్పెషల్ సాంగ్ లో డాన్స్ చేసింది. ఈ నేపథ్యంలో తాజాగా ఐటమ్ గర్ల్ ఊర్వశి రౌతేలా ఓ త్రో బ్యాక్ ఫోటోను షేర్ చేసి అందరినీ ఆశ్చర్యపరిచింది.
ఊర్వశి రాతెలా ఈ పిక్ బయట పెట్టింది. ‘నేను నమ్మలేకపోతున్నా. ఏడేళ్ల క్రితం మేమందరం ఒక చోట’ అని క్యాప్షన్ ఇచ్చింది. ఓ ప్రైవేట్ పార్టీలో వీరు కలిశారని అర్థం అవుతుంది. అఖిల్, ఊర్వశి, శ్రద్ధా కపూర్ కలిసి ఫోటోకి ఫోజిచ్చారు. ఈ కలిసిన సందర్భం ఏమిటనేది ఆమె చెప్పలేదు. అప్పుడు అలా అఖిల్ తో కలిసిన తాను.. ఇప్పుడు వైల్డ్ సాలా సాంగ్ చేశానని ఊర్వశి రౌతేలా పేర్కొంది.
ఏజెంట్ సినిమా ప్రమోషన్ కోసం ఇలా ఈ ఫొటో పంచుకున్నప్పటికీ.. ఊర్వశితో అఖిల్ ఫ్రెండ్‌షిప్ గురించి జనాల్లో చర్చలు నడుస్తున్నాయి. అఖిల్ చేసిన ఏజెంట్ సినిమాలో వైల్డ్ సాలా అనే ఐటెం సాంగ్ చేసింది ఊర్వశి రౌతేలా. అయితే ఈ సాంగ్ షూటింగ్ సమయంలో ఊర్వశితో అఖిల్ అసభ్యంగా ప్రవర్తించాడని రీసెంట్ గానే వివాదాస్పద ఫిల్మ్ క్రిటిక్ ఉమైర్ సందు ట్వీట్ పెట్టడం హాట్ ఇష్యూ అయిన సంగతి తెలిసిందే.
ఉమైర్ సంధు చేసిన ఈ ట్వీట్ తో దుమారం రేగింది. అఖిల్- ఊర్వశి రౌతేలా గురించి ఒక్కొక్కరూ ఒక్కోలా చెప్పుకున్నారు. దీంతో ఈ ఇష్యూపై ఊర్వశి ఫైర్ కావడం చూసాం. ఏకంగా ఉమైర్ సంధుపై లీగల్ యాక్షన్ తీసుకుంటానంటూ ఆమె ట్వీట్ చేయడంతో మరింత రచ్చ నడిచింది. ఇక ఇప్పుడు మరోసారి ఊర్వశి- అఖిల్‌కు సంబంధించిన పిక్ షేర్ చేసి అందరిలో లేనిపోని అనుమానాలు రేకెత్తిస్తోంది.