వచ్చే ఏడాది సంక్రాంతి బరిలో టాలీవుడ్ నుంచి ఇద్దరు సీనియర్ స్టార్ హీరోలు పోటీ పడుతున్న సంగతి తెలిసిందే. అందులో నటసింహం నందమూరి బాలకృష్ణ ఒకరు కాగా.. మరొకరు మెగాస్టార్ చిరంజీవి. బాలకృష్ణ ప్రస్తుతం గోపీచంద్ మలినేని దర్శకత్వంలో `వీర సింహారెడ్డి` సినిమా చేస్తుంటే.. చిరంజీవి బాబీ డైరెక్షన్ లో `వాల్తేరు వీరయ్య` చేస్తున్నాడు. ఈ రెండు చిత్రాల్లోనూ శ్రుతి హాసన్ నే హీరోయిన్ గా నటించింది.
అలాగే వీర సింహారెడ్డి జనవరి 12న విడుదల కాబోతుంటే.. వాల్తేరు వీరయ్య జనవరి 13న ప్రేక్షకుల ముందుకు రాబోతోంది. ఈ నేపథ్యంలోనే రెండు చిత్రాల నుంచి పోటా పోటీగా అప్డేట్స్ వస్తున్నాయి. ఇకపోతే వాల్తేరు వీరయ్య సినిమాలో అన్ని పాటలకు శేఖర్ మాస్టర్ కొరియోగ్రఫీ అందించారు. వీర సింహారెడ్డిలో రెండు పాటలకు ఆయన పని చేశారు. అయితే తాజాగా ఓ ఇంటర్వ్యూలో పాల్గొన్న శేఖర్ మాస్టర్.. ఎన్నో ఇంట్రెస్టింగ్ విషయాలను పంచుకున్నారు.
ఈ క్రమంలోనే చిరు, బాలయ్యలో ఉన్న కామన్ పాయింట్ను కూడా వివరించారు. `చిరంజీవి, బాలకృష్ణ టాప్ హీరోలు, ఇద్దరూ మంచి డ్యాన్సర్లు. ఈ ఇద్దరిలో వున్న యూనిక్ క్యాలిటీ డెడికేషన్. ఒక మూమెంట్ వస్తే అది పూర్తయ్యేవరకూ రిలాక్స్ అవ్వరు. ఆ డెడికేషన్ ఇద్దరిలో చూశా. అలాగే టైమింగ్ సెన్స్. వారిద్దరి దగ్గర నుండి నేర్చుకోవాల్సిన మరో విషయం` అంటూ శేఖర్ మాస్టర్ చెప్పుకొచ్చారు ఇక ఈ రెండు చిత్రాలు సంక్రాంతికే విడుదలవుతాయని ముందు తెలియదని.. కానీ ఇప్పుడు ఒక్కో లిరికల్ సాంగ్ విడుదలవుతుంటే టెన్షన్ మొదలైందని శేఖర్ మాస్టర్ తెలిపారు.