క్రియేటివ్ డైరెక్టర్ సుకుమార్ ఐకాన్ స్టార్ అల్లు అర్జున్ కాంబోలో వచ్చిన ‘పుష్ప- ది రైజ్’ విడుదలై ఎంతటి సెన్సేషన్ క్రియేట్ చేసిందో మనందరికీ తెలిసిందే. ఆ సినిమా సూపర్ హిట్ అవ‌డంతో ఇప్పుడు.. ఆ సినిమా సీక్వెల్ పైన పాన్ ఇండియా స్థాయిలో భారీ అంచనాలను నెలకొన్నాయి. ఈ సినిమాకు సంబంధించిన షూటింగ్ కూడా సుకుమార్ రీసెంట్గా మొదలుపెట్టాడు. సుకుమార్ కూడా ఈ సినిమాను తన పాత సినిమాలకు భిన్నంగా ఎంతో ప్రతిష్టాత్మకంగా తెర‌క్కెక్కంచాల‌ని ప్లాన్‌ చేస్తున్నాడు.
ఇక ఇప్పుడు వచ్చే పుష్ప పార్ట్ 2 లో మోద‌టి బాగంలో ఉన్న పాత్రల కన్నా కొన్ని కొత్త పాత్రలు కూడా ఉంటాయని తెలుస్తుంది. వాటిలో ఒక కీలక పాత్ర గురించి ఒక వార్త ఇంట్రెస్టింగ్ గా మారింది. ఇక ఆ పాత్రలో కేథరీన్ థెరీసా నటించబోతుందని తెలుస్తుంది. పుష్ప2లో ‘కేథరీన్ థెరీసా’ ది నెగిటివ్ పాత్ర అని తెలుస్తోంది. ఇక ఈమెతో పాటు మరో సీనియర్ పోలీస్ ఆఫీసర్ పాత్ర కూడా ఉంటుంది అని తెలుస్తుంది.
ఇక ఆ పాత్రలో మనోజ్ బాజ్ పాయ్ నటించబోతున్నారని తెలుస్తుంది. ఇక బన్నీ పుష్ప2 సినిమాతో ఎలాంటి రికార్డులు క్రియేట్ చేయబోతున్నాడు అని తెలియాలంటే మరికొన్ని రోజులు ఆగాల్సిందే. ఇప్పటికే పుష్ప సినిమాతో బన్నీ తన ఇమేజ్‌ను మరో లెవల్ కు తీసుకువెళ్లాడు. ఇప్పుడు ఈ సినిమాతో మరో స్థాయికి వెళ్తాడని చెప్పడంలో అతిశయోక్తి లేదు.