రామ్ చరణ్ దర్శక ధీరుడు రాజమౌళి కాంబోలో వచ్చిన ‘మగధీర’ సినిమాతో టాలీవుడ్ లో స్టార్ హీరోగా మారిపోయాడు. ‘మగధీర’ సినిమా తెలుగులోనే కాకుండా మిగతా భాషల్లో కూడా సూపర్ హిట్ అయింది. ఈ సినిమాతో రాజమౌళికి రామ్ చరణ్ కి మంచి గుర్తింపు వచ్చింది. రాజమౌళి తర్వాత ప్రభాస్ తో ‘బాహుబలి’ సినిమా తీసి టాలీవుడ్ కీర్తిని ప్రపంచ సినిమాలు దృష్టికి తీసుకెళ్లాడు. రాజమౌళి ప్రభాస్ ఈ సినిమాని ఎంతో కష్టపడి అద్భుతంగా తీశారు. ఈ సినిమా బాక్సాఫీస్ వద్ద ఎవరు ఊహించని విధంగా కలెక్షన్లను తీసుకువచ్చింది.
ఈ సినిమాతో టాలీవుడ్ రేంజ్ మరో లెవల్ కు వెళ్ళింది. ప్రభాస్ కూడా ఆ సినిమాలతో పాన్ ఇండియా స్టార్ గా మారిపోయాడు. అయితే ఇప్పుడు ఎవరు ఊహించని ఒక వార్త సోషల్ మీడియాలో వైరల్ గా మారింది. రామ్ చరణ్- ప్రభాస్ కలిసి ఒక మల్టీస్టారర్ సినిమా చేయబోతున్నారని వార్తలు వస్తున్నాయి. తాజాగా ఈ వార్తకు సంబంధించి స్టార్ ప్రొడ్యూసర్ నాగ వంశీ మాట్లాడుతూ ‘ప్రభాస్-రామ్ చరణ్ తో ఇప్పటి వరకు ఎవరూ తీయని భారీ మల్టీస్టారర్ సినిమాను చేయబోతున్నట్లు ఆయన ప్రకటించాడు.
ఈ సినిమాను స్టార్ డైరెక్టర్ త్రివిక్రమ్ శ్రీనివాస్ డైరెక్ట్ చేయబోతున్నట్లు ఆయన చెప్పాడు’. త్రివిక్రమ్ శ్రీనివాస్ ఇప్పటికే ఈ సినిమాకు సంబంధించిన కథను కూడా రెడీ చేశాడట. త్రివిక్రమ్ ప్రస్తుతం మహేష్ బాబు సినిమాతో బిజీగా ఉన్నాడు. ఆ సినిమా పూర్తి అయిన వెంటనే ఈ సినిమా వర్క్ లో బిజీ అవుతాడని తెలుస్తుంది.