లెజెండరీ న‌టుడు, పాన్ ఇండియా స్టార్ ప్రభాస్ పెద‌నాన్న, రెబ‌ల్ స్టార్ కృష్ణం రాజు సినిమాల్లో క‌నిపించి చాలా కాల‌మే అయింది. అయితే లాంగ్ గ్యాప్ త‌ర్వాత ఈయ‌న న‌టించిన చిత్రం `రాధేశ్యామ్`. రాధాకృష్ణ కుమార్ ద‌ర్శ‌క‌త్వం వ‌హిస్తున్న ఈ చిత్రంలో ప్రభాస్, పూజా హెగ్డేలు జంట‌గా న‌టించారు. యూవీ క్రియేషన్స్‌, టీ-సిరీస్ బ్యాన‌ర్ల‌పై భూషణ్ కుమార్, వంశీ, ప్రమోద్, ప్రసీదాలు ఈ చిత్రాన్ని నిర్మింస్తున్నారు.
ఇప్ప‌టికే షూటింగ్ పూర్తి చేసుకున్న ఈ చిత్రం వ‌చ్చే ఏడాది సంక్రాంతి కానుక‌గా జ‌న‌వ‌రి 14న తెలుగు, హిందీ, తమిళం, కన్నడ, మలయాళ భాషల్లో విడుదల కాబోతోంది. ఈ నేప‌థ్యంలోనే జోరుగా ప్ర‌మోష‌న్స్ కార్య‌క్ర‌మాల‌ను నిర్వ‌హిస్తున్న చిత్ర యూనిట్‌.. తాజాగా కృష్ణంరాజు పాత్రకు సంబంధించి ఫస్ట్ లుక్ పోస్ట‌ర్‌ను విడుదల చేసింది.
రాధేశ్యామ్ చిత్రంలో ఆధ్యాత్మిక గురువు, మహాజ్ఞాని `పరమహంస`గా కృష్ణం రాజు క‌నిపించ‌బోతున్నారు. కాషాయ దుస్తుల్లో ప్రసన్న వదనంతో రుద్రాక్ష చేతబూనిన కృష్ణంరాజును ఫస్ట్ లుక్ లో చూడొచ్చు. పాత్రకు సరిగ్గా యాప్ట్ అయ్యేలా ఉన్న ఆయన లుక్ విడుదలైన కాసేపట్లోనే సోషల్ మీడియాలో వైరల్‌గా మారింది.
ఈ ఫస్ట్ లుక్ చూసిన నెటిజ‌న్లు మ‌రియు అభిమానులు అదిరింది, సూప‌ర్ అంటూ కామెంట్స్ పెడుతున్నారు. కాగా, పీరియాడిక్ లవ్ స్టోరీగా తెరకెక్కుతున్న రాధేశ్యామ్ చిత్రంలో భాగ్యశ్రీ, సచిన్ కేడ్కర్, ప్రియదర్శి, మురళీ శర్మ త‌దిత‌రులు కీల‌క పాత్ర‌ల‌ను పోషిస్తున్నారు.
Introducing The Legendary Actor, Rebel Star Dr. @uvkrishnamraju garu as #Paramahamsa from #RadheShyam.#Prabhas @hegdepooja
@director_radhaa @prabhakaranjustin @UV_Creations @TSeries @GopiKrishnaMvs @AAFilmsIndia @RadheShyamFilm #RadheShyamTrailerOnDec23 pic.twitter.com/gvxjT5a7fo— Prabhas FC (@PrabhasRaju) December 20, 2021