న‌ట‌సింహం నంద‌మూరి బాల‌కృష్ణ, మాస్ డైరెక్ట‌ర్ బోయ‌పాటి శ్రీ‌ను కాంబోలో తెర‌కెక్కిన చిత్రం `అఖండ`. ద్వారక క్రియేష‌న్స్ బ్యాన‌ర్‌పై మిర్యాల ర‌వీంద‌ర్‌రెడ్డి నిర్మించిన ఈ చిత్రంలో ప్రగ్యా జైస్వాల్ హీరోయిన్‌గా న‌టించ‌గా.. జ‌గ‌ప‌తిబాబు, శ్రీకాంత్‌, పూర్ణ‌లు కీల‌క పాత్ర‌ల‌ను పోషించారు. భారీ అంచ‌నాల న‌డుమ డిసెంబ‌ర్ 2న విడుద‌లైన ఈ చిత్రం అఖండ విజ‌యం సాధించింది.
ఈ నేపధ్యంలో `అఖండ విజయోత్సవ జాతర` పేరిట గ్రాండ్ సక్సెస్ మీట్‌ను నిర్వ‌హించేందుకు మేక‌ర్స్ సిద్ధ‌మ‌య్యారు. విశాఖపట్నంలోని ఎంజిఎం గ్రౌండ్స్ ఉడా పార్క్ వ‌ద్ద ఈ ఈవెంట్ గ్రాండ్‌గా జ‌ర‌గ‌బోతోంది. ఇప్ప‌టికే అందుకు ఏర్పాట్లు అన్నీ పూర్తి అవ్వ‌గా.. అఖండ యూనిట్ మొత్తం ఈ వేడుక‌లో పాల్గొన‌బోతోంది.
అలాగే ఈ సక్సెస్ మీట్‌కు వేలాది మంది అభిమానుల‌తో పాటుగా సూప‌ర్ స్టార్ మ‌హేష్ బాబు, యంగ్ టైగ‌ర్ ఎన్టీఆర్‌లు స్పెష‌ల్ గెస్ట్‌లుగా విచ్చేయ‌బోతున్నార‌ని టాక్ న‌డుస్తోంది. మ‌రి ఇందులో ఎంత వ‌ర‌కు నిజ‌ముందో తెలియాలంటే మ‌రి కొన్ని గంట‌లు వెయిట్ చేయాల్సిందే.
కాగా, ఈ చిత్రంలో అఖండగానూ, ముర‌ళీకృష్ణ పాత్రలోనూ బాల‌కృష్ణ అద్భుత‌మైన న‌ట‌నను క‌న‌బ‌రిచి ప్రేక్ష‌కుల‌ను విప‌రీతంగా ఆక‌ట్టుకున్న సంగ‌తి తెలిసిందే. అలాగే బోయ‌పాటి డైరెక్ష‌న్‌, త‌మ‌న్ అందించిన మ్యూజిక్ సినిమా హిట్ అవ్వ‌డానికి కార‌ణం అయ్యాయి.
అఖండ విజయోత్సవ జాతర of the Roaring Blockbuster #Akhanda from 6 PM tomorrow at MGM Grounds, Vizag 🔥🦁
Event by @AnindithaMedia 💥#AkhandaVijayotsavaJathara #NandamuriBalakrishna #BoyapatiSreenu @ItsMePragya @IamJagguBhai @actorsrikanth @MusicThaman #MiryalaRavinderReddy pic.twitter.com/gaIdfBZaEP
— Dwaraka Creations (@dwarakacreation) December 8, 2021