ప్రస్తుతం వరుస సినిమాలతో దూసుకుపోతున్న టాలీవుడ్ న్యాచురల్ స్టార్ నాని నిన్న విజయదశమి పురస్కరించుకుని తన 29వ చిత్రాన్ని కూడా ప్రకటించిన సంగతి తెలిసిందే. శ్రీకాంత్ ఓదెల దర్శకత్వంలో సుధాకర్ చెరుకూరి నిర్మిస్తున్న ఈ సినిమాకు `దసరా` అనే టైటిల్ను ఖరారు చేశారు.
ఈ మేరకు పోస్టర్తో పాటు ఓ గ్లింప్స్ను కూడా రిలీజ్ చేశారు. ఇందులో నాని చెవికి పోగు- రింగుల జుట్టుతో రగ్డ్ లుక్ లో కనిపిస్తున్నారు. అలాగే ఈ చిత్రంలో నానికి జోడీగా కీర్తి సురేష్ నటించబోతోంది. అయితే ఆమె ఈ సినిమాకు పుచ్చుకుంటున్న రెమ్యూనరేషన్ ఇప్పుడు హాట్ టాపిక్గా మారింది.
వినిపిస్తున్న లేటెస్ట్ సమాచారం ప్రకారం.. `దసరా` సినిమాకుగానూ కీర్తి సురేష్ ఏకంగా రూ.3 కోట్లను పుచ్చుకుంటుందట. ఇది ఒక రకంగా భారీ రెమ్యూనరేషన్నే అయినప్పటికీ.. ఇందులో ఎంత వరకు నిజముందో తెలియాల్సి ఉంది. కాగా, సంతోష్ నారాయణ్ సంగీతాన్ని అందిస్తున్న ఈ దసరా సినిమాలో.. సముద్రఖని, సాయికుమార్ కీలకమైన పాత్రల్లో కనిపించనున్నారు.