బాహుబ‌లిలో లేడీ సూప‌ర్ స్టార్ న‌య‌న‌తార న‌టించ‌డం ఫిక్స్ అయిన‌ట్టు వార్త‌లు వ‌స్తున్నాయి. బాహుబ‌లిలో న‌య‌న్ న‌టించ‌డం ఏంటీ? ఆల్‌రెడీ ఆ సినిమా రెండు భాగాలుగా విడుద‌లై ఘ‌న విజ‌యం సాధించింది క‌దా! అని అనుకుంటున్నారా? అయితే న‌య‌న్ న‌టించేది సినిమాలో కాదు వెబ్ సిరీస్‌లో. పూర్తి వివ‌రాల్లోకి వెళ్తే..
ద‌ర్శ‌క‌ధీరుడు రాజ‌మౌళి తెర‌కెక్కించిన బాహుబ‌రి విడుద‌ల త‌ర్వాత ఆనంద్‌ నీలకంఠన్ ద రైజ్‌ ఆఫ్‌ శివగామి పేరుతో ఓ పుస్తకం రాశారు. దాని ఆధారంగా బాహుబలి: ద బిగినింగ్ కు ముందు ఏం జరిగిందనే కథతో రూపొందుతోన్న వెబ్ సిరీస్‌నే ‘బాహుబలి: బిఫోర్‌ బిగినింగ్’. ప్రముఖ ఓటీటీ సంస్థ నెట్ఫ్లిక్స్ ఈ సిరీస్‌ను మొత్తం తొమ్మిది భాగాలుగా నిర్మించ‌బోతోంది.
దేవకట్టా, ప్రవీణ్ సత్తార్లు దర్శకత్వం వ‌హించ‌నున్న ఈ సిరీస్‌లో శివగామి పాత్రలో వామిక గబ్బి నటించనుంది. అలాగే మ‌రో కీల‌క పాత్రలో న‌య‌న‌తార న‌టించ‌నుంద‌ని జోరుగా ప్ర‌చారం జ‌రుగుతోంది. ఇప్ప‌టికే సంప్ర‌దింపులు పూర్తి అయ్యాయ‌ని.. న‌య‌న్ సెప్టెంబర్ నుంచి షూటింగ్‌లో జాయిన్ అవ్వ‌నుంద‌ని తెలుస్తోంది. దీనిపై అధికారిక ప్ర‌క‌ట‌న రావాల్సి ఉంది. కాగా, ఈ సిరీస్‌ను తెలుగుతో పాటు.. తమిళం, హిందీ, ఇంగ్లీష్ భాషల్లో స్ట్రీమింగ్ చేయ‌నున్నారు.