ఇండియన్ స్టార్ డైరెక్టర్ శంకర్ ఇంట పెళ్లి సందడి నెలకొంది. శంకర్ పెద్ద కుమార్తె అదితి శంకర్ పెళ్లి పీటలెక్కబోతోంది. తమిళనాడులోని పొలాచ్చిలో అదితి పెళ్లికి ఏర్పాట్లు జరుగుతున్నారు.
ఇంతకీ అతిదిని పెళ్లాడబోయే వరుడు ఎవరో కాదు.. తమిళనాడు ప్రీమియర్ లీగ్ క్రికెటర్ రోహిత్. జూన్ 27న అంటే రేపు అదితి, రోహిత్ ల వివాహం అంగరంగ వైభవంగా జరగనుంది.
కరోనా దృష్ట్యా పొలాచ్చిలో ఇరు కుటుంబాలకు సంబంధించిన వంద మంది అతిథుల సమక్షంలో వీరి వివాహం జరగనుందట. ఇక ఇప్పటికే ఇరు కుటుంబ సభ్యులు పొలాచ్చి చేరుకున్నట్లు తెలుస్తోంది. ఇక కరోనా అదుపులోకి వచ్చిన తర్వాత చెన్నైలో గ్రాండ్ రిసెప్షన్ పెట్టబోతున్నాడట శంకర్.