క‌న్న‌డ చిత్ర ప‌రిశ్ర‌మ స్థాయిని పెంచిన చిత్రం కేజీఎఫ్ యాక్ష‌న్ , థ్రిల్ల‌ర్ ఎంట‌ర్‌టైన‌ర్‌గా రూపొందిన సంగ‌తి తెలిసిందే. ఇప్పుడు ఈ చిత్రానికి సీక్వెల్‌గా కేజీఎఫ్ 2 రూపొందుతుంది. దక్షిణాది సినీ పరిశ్రమను మరో మెట్టు ఎక్కించిన కేజీఎఫ్‌కు సీక్వెల్ రూపొందుతుండ‌గా, ఈ సినిమాను జూలైలో విడుద‌ల చేయాల‌ని మేక‌ర్స్ భావించారు. కాని క‌రోనా వ‌ల‌న కొద్ది రోజులు వాయిదా ప‌డే అవ‌కాశం క‌నిపిస్తుంది. అయితే చిత్ర నిర్మాణ సంస్థ ఇందులో న‌టించిన న‌టీన‌టుల బ‌ర్త్‌డేల‌ని పుర‌స్క‌రించుకొని పేపర్ కట్టింగ్లతో వారి ఫ‌స్ట్ లుక్ విడుద‌ల చేస్తుంది. తాజ‌గా మూవీలో ఇనాయత్ ఖలీల్ క్యారెక్టర్ను పోషిస్తున్న బాలకృష్ణ పోస్టర్ను రిలీజ్ చేసింది నిర్మాణ సంస్థ. గుర్తుతెలియని ప్రాంతంలో ఇనాయత్ ఖలీల్ తన పుట్టినరోజు జరుపుకుంటున్నాడంటూ క్యాప్షన్ ఉంచింది. దుబాయ్లో ఉంటూ ఇండియాపై కన్నేసే గోల్డ్ స్మగ్లర్ల డాన్గా ఇనాయత్ ఖలీల్ రోల్ ఉండబోతోంది. దేశవ్యాప్తంగా ఈ సినిమాపై అభిమానుల‌లో భారీ అంచ‌నాలు ఉన్నాయి.
కేజీఎఫ్ 2 నుండి ఇనాయత్ ఖలీల్ లుక్ రిలీజ్..!
