కార్తీక్ రాపోలు దర్శకత్వంలో సంతోష్‌ శోభన్, కావ్య థాపర్ హీరో, హీరోయిన్లుగా తెర‌కెక్కిన తాజా చిత్రం ఏక్‌ మినీ కథ. యూవీ క్రియేషన్స్ అందుబంధ సంస్థ యువీ కాన్సెప్ట్ బ్యానర్ లో మ్యాంగో మాస్ మీడియాతో కలిసి ఈ చిత్రాన్ని నిర్మించారు.
ఈ చిత్రంలో శ్రద్ధా దాస్, బ్రహ్మాజీ, సుదర్శన్, హర్షవర్ధన్, సప్తగిరి ప్రధాన పాత్రల్లో నటిస్తున్నారు. ఈ చిత్రం ఏప్రిల్ 30న ప్రేక్షకుల మందుకు రావాల్సి ఉంది. కానీ, ఇంత‌లోనే క‌రోనా సెకెండ్ వేవ్ రావ‌డంతో.. విడుద‌ల వాయిదా వేశారు. ఇక క‌రోనా క‌నిక‌రించే ప‌రిస్థితులు ఇప్ప‌ట్లో క‌నిపించ‌క‌పోవ‌డంతో.. ఈ చిత్రాన్ని ఓటీటీ విడుద‌ల చేసేందుకు చిత్ర యూనిట్ సిద్ధ‌మైంది.
ఇందులో భాగంగానే..ప్రముఖ డిజిటల్‌ స్ట్రీమింగ్ ప్లాట్‌ఫామ్‌ అమెజాన్ ప్రైమ్‌ వీడియో ఈ చిత్రం స్ట్రీమింగ్ హ‌క్కుల‌ను సొంతం చేసుకుంది. ఇక తాజాగా ఈ సినిమాను మే 27న రిలీజ్ చేస్తున్నట్లు అమెజాన్ ప్రకటిస్తూ పోస్టర్‌ రిలీజ్ చేసింది.
