టాలీవుడ్ యంగ్ బ్యూటీ శ్రీ లీల పెళ్లి సందడి సినిమాతో ఇండస్ట్రీ లోకి అడుగుపెట్టి అతితక్కువ సమయంలోనే స్టార్ హీరోయిన్గా గుర్తింపు తెచ్చుకుంది. టాలీవుడ్ లో దాదాపు అగ్ర హీరోల అందరి సినిమాల్లోనూ వరుసగా అవకాశాలు అందుకుంటున్న ఈ ముద్దుగుమ్మ ఇటీవల మరో క్రేజీ కాంబోలో హీరోయిన్గా సెట్ అయిందంటూ న్యూస్ ప్రస్తుతం సోషల్ మీడియాలో వైరల్ అవుతుంది. పాన్ ఇండియా స్టార్ హీరో అయిన ప్రభాస్ జంటగా శ్రీ లీల నటించబోతుందట.
అను రాగవపూడి దర్శకత్వంలో ప్రభాస్ ఓ సినిమా కు గ్రీన్ సిగ్నల్ ఇచ్చిన సంగతి తెలిసిందే. నిజానికి సీతారామమ్‌ సినిమా తరువాత హను రాఘవపూడి తో ప్రభాస్ చేయాలని నిర్ణయించుకున్నాడు. అందుకు పర్ఫెక్ట్ అయిన కథ‌ను సిద్ధం చేసుకునే పనిలో ఇన్నాళ్లు నిమగ్నమయ్యాడు డైరెక్టర్. అయితే ఇప్పుడు ఆ కథ ఓ కొలిక్కి రావడంతో హీరోయిన్ కోసం స‌ర్చింగ్‌ మొదలైందట. హను రాఘవపూడి ఇది ఒక ప్రేమ కథ కావడంతో ప్రభాస్ ఇమేజ్‌కు తగ్గట్టుగా ఓ బాలీవుడ్ బ్యూటీని హీరోయిన్గా పెట్టాలనుకున్నాడట.
కాని చివరకు ఆ అవకాశం శ్రీలీలకి వచ్చినట్లు తెలుస్తుంది. శ్రీ లీలతో నటించడానికి ప్రభాస్ కూడా ఓకే చేశాడని. ఇటీవల శ్రీ లీలకు దర్శకుడు కథ వినిపించాడని తెలుస్తుంది. శ్రీలీలకి కూడా ఆ కథ నచ్చడంతో ఈ ప్రాజెక్టుకు గ్రీన్ సిగ్నల్ ఇచ్చిందట. అయితే దీనిపై ఇంకా అఫీషియల్ ప్రకటన రాలేదు. ఇందులో నిజం ఎంత ఉందో తెలియాలంటే సినిమాకు సంబంధించిన అఫీషియల్ ప్రకటన వచ్చేవరకు వేచి చూడాలి.