ప్రస్తుతం టాలీవుడ్ లో సెన్సేషన్ బ్యూటీగా మారింది శ్రీలీల. పెళ్లి సందడి మూవీ తో టాలీవుడ్ కి పరిచయమైన ఈ భామ.. తొలి సినిమాతోనే ఓవర్ నైట్ స్టార్ గా గుర్తింపు పొందింది. అందం, అభినయం, నటనా ప్రతిభతోనే కాకుండా మంచి డ్యాన్సర్ గా పేరు తెచ్చుకుంది. ప్రస్తుతం శ్రీలీల తెలుగులో మహేష్ బాబుకు జోడీగా త్రివిక్రమ్ దర్శకత్వంలో `ఎస్ఎస్ఎమ్బీ 28`లో నటిస్తోంది. అలాగే రామ్ పోతినేని బోయపాటి కాంబోలో తెరకెక్కుతున్న పాన్ ఇండియా చిత్రంలో హీరోయిన్ గా ఎంపికయింది.
మరోవైపు నితిన్ తో `జూనియర్`, నవీన్ పొలిశెట్టితో `అనగనగా ఒక రాజు`, వైష్ణవ్ తేజ్ తో ఓ సినిమాకు కమిట్ అయింది. చేతి నిండా చిత్రాలతో ఫుల్ బిజీగా ఉన్న శ్రీలీల.. తాజాగా ఓ స్టార్ హీరో పై మోజుతో ఐటం నెంబర్ గా మారేందుకు ఒప్పుకొందట. ఇంతకీ ఆ హీరో మరెవరో కాదు పవర్ స్టార్ పవన్ కళ్యాణ్.
ఈయన ప్రస్తుతం మేనల్లుడు వైష్ణవ్ తేజ్తో ఓ మూవీ చేస్తున్న సంగతి తెలిసిందే. తమిళ సూపర్ హిట్ `వినోదయ సీతం`కు రీమేక్ ఇది. సముద్రఖని దర్శకత్వం వహిస్తున్న ఈ చిత్రం ఇటీవలె సెట్స్ మీదకు వెళ్లింది. అయితే ఇందులో పవన్-సాయి ధరమ్ తేజ్ కాంబోలో ఓ అదిరిపోయే ఐటెం సాంగ్ ఉంటుందట. ఆ సాంగ్ కోసం మేకర్స్ తాజాగా శ్రీలీలను సంప్రదించారట. ఇక పవన్ పై ఉన్న అభిమానంతో వెంటనే ఆమె ఐటెం సాంగ్ లో మెరిసేందుకు గ్రీన్ సిగ్నల్ ఇచ్చిందని నెట్టింట జోరుగా ప్రచారం సాగుతోంది. దీనిపై అధికారిక ప్రకటన రావాల్సి ఉంది.