సూపర్ స్టార్ మహేష్ బాబు మహర్షి ,సరిలేరు నీకెవ్వరు, సర్కారు వారి పాట లాంటి వరస విజయాలు తర్వాత తన నెక్స్ట్ సినిమాను స్టార్ దర్శకుడు త్రివిక్రమ్ తో చేస్తున్నాడు. గత సంవత్సరమే ఈ సినిమా షూటింగ్ ప్రారంభమైంది. ఓ షెడ్యూల్ షూటింగ్ కూడా ముగించుకున్న సమయంలో మహేష్ ఇంట్లో జరిగిన వరుస విషాదాల కారణంగా ఈ సినిమా షూటింగ్ వాయిదా పడుతూ వచ్చింది. ఇప్పుడు ప్రస్తుతం ఈ సినిమా షూటింగ్ ఎంతో శరవేగంగా జరుగుతుంది.
మహేష్- త్రివిక్రమ్ కాంబోలో వస్తున్న మూడో సినిమా అవ్వడంతో ఈ మూవీ పై భారీ అంచనాలు నెలకొన్నాయి. ఆ అంచనాలకు తగ్గట్టు త్రివిక్రమ్ ఈ సినిమాను పాన్ ఇండియా లెవెల్లో తెరకెక్కిస్తున్నాడు. ఇందులో మహేష్ కు జోడిగా పూజ హెగ్డే, శ్రీలీలా హీరోయిన్లుగా నటిస్తున్నారు. త్రివిక్రమ్ కూడా తాను చేసే తొలి పాన్ ఇండియా సినిమా అవటంతో ఈ సినిమాలో నటీనటుల ఎంపిక తోనే ఈ సినిమాపై భారీ అంచనాలు పెంచేస్తున్నాడు.
ఇప్పుడు తాజాగా ఈ సినిమా నుంచి మరొ క్రేజీ అప్డేట్ వైరల్ గా మారింది. ఈ సినిమాలో బాలీవుడ్ స్టార్ హీరోయిన్ భూమి పడ్నేకర్ ఒక కీలక పాత్రలో నటిస్తున్నారంటూ తెలుస్తుంది. ఆమె పాత్ర కూడా ఈ సినిమా సెకండ్ హాఫ్ లో వస్తుందని, ఆమె పాత్ర ఈ సినిమాలో ఎంతో కీలకంగా ఉండబోతుందని తెలుస్తుంది. అయితే ఈ వార్తలో ఎంతవరకు నిజముందో తెలియదు. ప్రస్తుతం ఈ అప్డేట్ సోషల్ మీడియాలో వైరల్ గా మారింది. ఇక మరి త్రివిక్రమ్ ఈ సినిమాతో మహేష్ కు ఎలాంటి సక్సెస్ ఇస్తాడో చూడాలి.