ప్రముఖ ఓటీటీలలో ఒకటైన ఆహా ఓటీటీ మిగతా వాటికన్నా డిఫరెంట్ గా టీవీ ఛానల్ తరహాలో రియాల్టీ షోలను ప్లాన్ చేస్తూ మంచి సక్సెస్ ను అందుకుంటున్న విషయం మనందరికీ తెలిసిందే.` కామెడీ స్టాక్ ఎక్స్చేంజ్` అనే పేరుతో ఓ కామెడీ షో అతి త్వరలో ఆహాలో ప్రసారం అవబోతోంది. అయితే ఈ కామెడీ షో లో ప్రముఖ కమెడియన్లలో ఒకరైన సుడిగాలి సుధీర్ కూడా ప్రేక్షకులను అలరించనున్నాడు.
`జబర్దస్త్ షో` ద్వారా ఎంతో మంచి గుర్తింపు సంపాదించుకున్న సుడిగాలి సుధీర్ బుల్లితెర పైనే కాకుండా వెండితెర పైన కూడా పలు సినిమాలు చేస్తూ ఎంతో బిజీగా మారాడు. అయితే ప్రస్తుతం ఆహా ఓటీటీలో ప్రసారమయ్యే ఈ షో లో సుధీర్ యాంకర్ గా చేస్తున్నాడు. ఈ షో కి సంబంధించిన ప్రోమో కూడా రిలీజ్ అయి ప్రేక్షకుల నుండి మంచి ఆదరణ కూడా అందుకుంది. అయితే ఈ షో కోసం సుధీర్ భారీ రేంజ్ లో రెమ్యునరేషన్ తీసుకుంటున్నారని ఇండస్ట్రీలో టాక్ నడుస్తుంది. అయితే జబర్దస్త్ అమౌంట్ కంటే ట్రిపుల్ తీసుకుంటున్నాడని సమాచారం. అయితే సుధీర్ ఒక్కో ఎపిసోడ్ కు 3 లక్షల రూపాయల రేంజ్ లో తన రెమ్యునేషన్ ఉంటుందని సమాచారం అందుతుంది.
అంతేకాకుండా సుధీర్ తో పాటు ఈ షోలో చాలామంది జబర్దస్త్ కమెడియన్లు కూడా ఉంటున్నారట. కానీ వారందరితో పోల్చి చూస్తే సుదీర్ మాత్రం భారీ మొత్తంలో రెమ్యూనేషన్ పుచ్చుకుంటున్నట్టు వార్తలు వస్తున్నాయి. ప్రస్తుతం ఈ విషయానికి సంబంధించిన వార్తలు సోషల్ మీడియాలో వైరల్ గా మారాయి. ఇప్పటివరకు సుధీర్ నటించిన సినిమాలలో ఏ సినిమా కూడా కమర్షియల్ గా మంచి సక్సెస్ను సాధించాలేకపోయింది. అయితే మళ్లీ సుధీర్ ఈ షో తో నైనా సక్సెస్ ట్రాక్ లోకి రావాలని వారి అభిమానులు సైతం కోరుకుంటున్నారు. ఇక ప్రస్తుతం ఈ షో తోనైనా సక్సెస్ అవుతారో?లేదో? చూడాల్సి ఉంది.