మెగా పవర్ స్టార్ రామ్ చరణ్ తన తండ్రి చిరంజీవి నటించిన సినిమాపై పరోక్షంగా సెటైర్లు వేశారు. ఇంతకీ ఆ సినిమా మరేదో కాదు `ఆచార్య`. పూర్తి వివరాల్లోకి వెళ్తే.. రామ్ చరణ్ తాజాగా ఢిల్లీలో జరిగిన హిందుస్థాన్ టైమ్స్ లైఫ్ స్టైల్ సమ్మిట్‌లో స్పెషల్ గెస్ట్ గా పాల్గొన్నాడు. ఈ సందర్భంగా చరణ్ ఆచార్య సినిమా పేరు ఎత్తకుండా ఆస‌క్తిక‌ర వ్యాఖ్యలు చేశాడు.
ఆర్ఆర్ఆర్ వంటి భారీ సక్సెస్ తర్వాత తన నుంచి ఒక స్మాల్ రిలీజ్ జరిగిందని, అందులో తాను గ్యాస్ రోల్ లాంటిది చేశానని, కానీ ఆ సినిమాను చూసేందుకు ఎవరు ముందుకు రాలేదని రామ్ చరణ్ చెప్పుకొచ్చాడు. ప్రేక్షకులు కంటెంట్ ఉంటేనే చూస్తారు, థియేటర్లకు వస్తారు అనడానికి ఆ సినిమా రుజువ‌ని.. కంటెంట్ లేకుంటే ఎలాంటి హీరో నటించిన ప్రేక్షకులు చూడర‌ని చరణ్ చెప్పుకొచ్చాడు.
కాగా, మెగాస్టార్ చిరంజీవి హీరోగా కొరటాల శివ దర్శకత్వంలో తెరకెక్కిన కమర్షియల్ ఎంటర్టైనర్ `ఆచార్య`. ఇందులో రామ్ చరణ్ ఒక కీలక పాత్రను పోషించారు. భారీ అంచనాలు నడవ విడుదలైన ఈ చిత్రం బాక్సాఫీస్ వద్ద బొక్క బోర్లా ప‌డింది. ఈ సినిమా డిజాస్టర్ కావడానికి కొరటాలే కారణం అంటూ గతంలో చిరంజీవి సంచలనం వ్యాఖ్యలు చేశారు. ఇక ఇప్పుడు చరణ్ సినిమాలో కంటెంట్ లేదంటూ తేల్చేశాడు. దీంతో చరణ్ కామెంట్స్ కాస్త నెట్టింట వైర‌ల్‌గా మారాయి.