దివంగత నటుడు అల్లు రామలింగయ్య శత జయంతి దినోత్సవ ఉత్సవాలను చాలా ఘనంగా నిర్వహిస్తున్నారు అల్లు అరవింద్. ఇక అందులో భాగంగానే ఈరోజు అల్లు రామలింగయ్య శత జయంతి సందర్భంగా అల్లు అరవింద్ అలాగే అల్లు అర్జున్ అల్లు స్టూడియోను గ్రాండ్ గా ప్రారంభించారు. ఇక ఈ వేడుకకు చీఫ్ గెస్ట్ గా చిరంజీవి, ఆయన సతీమణి సురేఖ కొణిదల హాజరయ్యారు. అంతేకాదు చిరంజీవి చేతుల మీదుగా ఈ కొత్త స్టూడియోస్ ను ప్రారంభించడం జరిగింది. ప్రస్తుతం ఇందుకు సంబంధించిన ఫోటోలు కూడా సోషల్ మీడియాలో వైరల్ గా మారుతున్నాయి. ఇదిలా ఉండగా అల్లు స్టూడియోను అల్లు ఫ్యామిలీ గత ఏడాది హైదరాబాద్ సిటీ ఔట్ స్కర్ట్స్ లో ఉన్న గండిపేటలో మొదలుపెట్టారు
.
ఇక ఈ స్టూడియోస్ నిర్మాణం పూర్తి కావడంతో ఇవాళ అల్లు రామలింగయ్య 100వ పుట్టినరోజు సందర్భంగా ఈ స్టూడియోస్ ను చాలా గ్రాండ్ గా లాంచ్ చేశారు. ముఖ్యంగా అత్యాధునిక టెక్నాలజీతో అన్ని సదుపాయాలు ఉన్న ఈ స్టూడియోను గండిపేట లో ఉన్న పది ఎకరాలలో భారీగా నిర్మించారు.
ఇక్కడ మరొక విషయం ఏమిటంటే అల్లు అర్జున్ హీరోగా నటిస్తున్న పుష్ప 2 సినిమా కూడా ఎక్కువగా షూటింగ్ ఇక్కడే జరుపుకోవాలని సినిమా షూటింగ్ కి సంబంధించిన అన్ని పనులు ఇప్పటికే ప్రారంభించారు అని కూడా సమాచారం. మొత్తానికైతే అల్లు వారి కల అల్లు స్టూడియో తో నెరవేరింది అని చెప్పవచ్చు.
అంతేకాదు అల్లు ఫ్యామిలీకి , మెగా ఫ్యామిలీకి మధ్య ఉన్న విభేదాలు కూడా ఇక్కడితో దూరం అయ్యాయి. గత కొన్ని రోజుల నుంచి అల్లు అర్జున్ అభిమానులు రామ్ చరణ్ ను.. రామ్ చరణ్ అభిమానులు అల్లు అర్జున్ ను విపరీతంగా ట్రోల్ చేసిన విషయం తెలిసిందే. కానీ ఎట్టకేలకు అల్లు అర్జున్ దగ్గరుండి స్వయంగా తన మామ చిరంజీవి, మేనత్త సురేఖతో తన తాత శత జయంతి దినోత్సవ వేడుకలను జరిపించారు. ప్రస్తుతం ఈ ఫోటోలు వైరల్ అవుతుండగా వీరి మధ్య గొడవలకు కూడా స్వస్తి పలికినట్టు అయింది.