దక్షిణాది సినీ ఇండస్ట్రీలో సమంత సినిమా కోసం ఎంతోమంది ప్రేక్షకులు చాలా ఆత్రుతగా ఎదురుచూస్తున్నారు. దాదాపుగా ఈమె నుండి సినిమా రాక రెండు సంవత్సరాలు పైనే అవుతుంది. ఇక తాజాగా ఈమె నటించిన యశోద సినిమా విడుదలకు సిద్ధంగా ఉన్నది. దీంతో ఈ సినిమా ప్రమోషన్స్ ను కూడా చిత్ర బృందం వేగవంతంగా చేస్తున్నారు. ఇక కేవలం ఈ సినిమా చివరి పోస్ట్ ప్రొడక్షన్ పనుల్లో ఉన్నది. యశోద సినిమా నుంచి ఇప్పటివరకు విడుదలైన ఫస్ట్ లుక్ పోస్టర్స్, గ్లింప్స్ ప్రేక్షకులకు బాగా ఆసక్తి కలిగించాయి. ఈ క్రమంలోని ఈ రోజు కొన్ని గంటల క్రితం ఈ సినిమాకు సంబంధించి టీజర్ ను విడుదల చేశారు.
సమంత ఈ చిత్రంలో యశోద అనే పాత్రలో నటించబోతోంది. ఇక అంతే కాకుండా గర్భిణీ స్త్రీ పాత్రలో కూడా సమంత పరిచయం చేయడంతో ఈ టీజర్ మరింత ఆసక్తి కలుగుతుంది. ప్రెగ్నెంట్ సమయంలో మహిళలు ఎలాంటి జాగ్రత్తలు తీసుకోవాలో డాక్టర్ చెబుతూ ఉండగా అందుకు పూర్తి భిన్నంగా ఆమె లైఫ్ లో ఊహించని సంఘటనలు జరుగుతూ ఉన్నట్లుగా ఈ టీజర్ లో చూపించడం జరుగుతోంది. అయితే ఆమె బిడ్డను జన్మనివ్వకుండా ఎవరూ అడ్డుపడుతూ ఉన్నట్లుగా ఈ సినిమా టీజర్ ని చూస్తే మనకు క్లియర్ గా అర్థమవుతోంది. మరి అలాంటి వాటి నుంచి సమంత ఎలా బయటపడుతుంది అనే కథాంశం తో ఈ చిత్రం తెరకెక్కించడం జరుగుతోంది డైరెక్టర్ హరి హరీష్.
ప్రస్తుతం ఈ సినిమాకు సంబంధించి టీజర్ వైరల్ గా మారుతోంది. ఇక ఈ చిత్రంలో ఎమోషనల్ తో పాటు ఉత్కంఠ భరిచే థ్రిల్ కి కూడా గురిచేసేలా కనిపిస్తోంది. ఈ సినిమా విజువల్ బ్యాక్ గ్రౌండ్ కూడా ఈ సినిమాకు మరింత అద్భుతంగా చేకూర్చేలా కనిపిస్తున్నాయి. సమంత ఎప్పటిలాగానే తనదైన నటనతో ఈ సినిమాలో ఆకట్టుకునేలా కనిపిస్తోంది. వరలక్ష్మి శరత్ కుమార్, రావు రమేష్ , సంపత్ రాజ్ తదితరులు నటిస్తున్నారు. ఈ చిత్రంతో సమంత కచ్చితంగా సక్సెస్ అవుతుందనే నమ్మకాన్ని తెలియజేస్తున్నారు అభిమానులు.