సినీ న‌టుడు నాగ‌బాబు కూతురు, మెగా ఫ్యామిలీ నుంచి సినీ ఇండ‌స్ట్రీలోకి అడుగు పెట్టిన ఏకైక హీరోయిన్‌ నిహారిక కొణిదెల గురించి ప్ర‌త్యేకంగా ప‌రిచ‌యాలు అవ‌స‌రం లేదు. ఒక మనసు సినిమాతో హీరోయిన్‌గా మారిన ఈ భామ.. మూడు, నాలుగు సినిమాలు చేసింది. ప‌లు వెబ్ సిరీస్‌లోనూ న‌టించింది.
కానీ, స్టార్ హీరోయిన్‌గా మాత్రం ఎద‌గ‌లేక‌పోయింది. భారీ బ్యాక్ గ్రౌండ్ ఉన్నా.. ద‌ర్శ‌క, నిర్మాత‌లెవ్వ‌రూ నిహారిక వైపు చూడ‌లేదు. అయితే గ‌త ఏడాది ఈ బ్యూటీ వెంకట చైతన్య జొన్నలగడ్డను వివాహం చేసుకుని వైవాహిక జీవితంలోకి అడుగు పెట్టింది. ఉదయ్‌పూర్‌లోని ది ఒబెరాయ్ ఉదయ్‌విలాస్ హోటల్‌లో నిహారిక-చైతుల పెళ్లి అంగ‌రంగ వైభవంగా జ‌రిగింది.
ఇక పెళ్లి త‌ర్వాత నిర్మాత‌గా మారిన నిహారిక..పింక్ ఎలిఫెంట్ పిక్చర్స్ బ్యానర్ లో `ఒక చిన్న ఫ్యామిలీ స్టోరీ` అనే వెబ్ సిరీస్‌ను నిర్మించింది. ఈ సిరీస్ త్వ‌ర‌లోనే ప్ర‌ముఖ ఓటీటీ సంస్థ జీ 5లో నవంబర్‌ 19 నుంచి స్ట్రీమింగ్ కాబోతోంది.
ఇదిలా ఉంటే.. సోష‌ల్ మీడియాలో య‌మా యాక్టివ్‌గా ఉండే నిహారిక.. తాజాగా బ్లాక్ శారీలో ఫొటో షూట్ నిర్వ‌హించి అందుకు సంబంధించిన పిక్స్‌ను నెట్టింట షేర్ చేసింది. ప్ర‌స్తుతం ఆక‌ట్టుకుంటున్న నిహారిక క్రేజీ లుక్స్‌ను చూస్తే ఎవ్వ‌రికైనా మ‌తిపోవాల్సిందే. మ‌రి లేటెందుకు వాటిపై మీరూ ఓ లుక్కేసేయండి.
