సింధు మీనన్.. ఈమె గురించి కొత్త‌గా ప‌రిచ‌యాలు అవ‌స‌రం లేదు. మళయాలీ కుటుంబంలో జ‌న్మించిన సింధు మీనన్.. 13 సంవ‌త్స‌రాల వ‌య‌సులోనే సినీ గ‌డ‌ప తొక్కింది. క‌న్న‌డ‌లో `ప్రేమ ప్రేమ ప్రేమ` చిత్రంతో సినీ కెరీర్‌ను స్టార్ట్ చేసిన సింధు మీనన్.. `భద్రాచలం` సినిమాతో తెలుగు ఇండ‌స్ట్రీలోకి అడుగు పెట్టింది.
ఆ త‌ర్వాత కృష్ణ వంశీ ద‌ర్శ‌క‌త్వంలో వ‌చ్చిన సూప‌ర్ హిట్ చిత్రం `చందమామ`లో కాజ‌ల్ అగ‌ర్వాల్‌తో పాటుగా అల్ల‌రి చేసి ప్రేక్ష‌కుల‌ను అల‌రించిందీ బ్యూటీ. ఈ సినిమా త‌ర్వాత కాజ‌ల్‌కు మ‌రిన్ని అవ‌కాశాలు ద‌క్క‌డ‌మే కాదు.. ఆమె స్టార్ హీరోయిన్‌గా కూడా ఎదిగింది. కానీ, సింధు మీన‌న్‌కు మాత్రం పెద్ద‌గా అవ‌కాశాలు రాలేదు.
తెలుగుతో పాటుగా తమిళ, మలయాళ, కన్నడ చిత్రాల్లోనూ న‌టించిన సింధు మీనన్.. స్టార్ స్టేట‌స్‌ను ద‌క్కించుకోలేక‌పోయినా త‌న కంటూ ఓ గుర్తింపునైతే పొందింది. ఇక అవ‌కాశాలు త‌గ్గుతూ ఉండ‌టంతో ఈ బ్యూటీ.. లండన్ లో సెటిల్ అయిన తెలుగు టెక్కీ డొమినిక్ ప్రభుని ప్రేమించి 2010లో వివాహం చేసుకుంది.
ఈ దంపతుల‌కు ఇద్దరు సంతానం. పెళ్లి త‌ర్వాత సినీ కెరీర్‌కు పూర్తిగా పులి స్టాప్ పెట్టేసిన సింధు మీనన్.. ప్ర‌స్తుతం ఫ్యామిలీతో లండ‌న్‌లోనే సెటిల్ అయింది. మ‌రి ఇంకెందుకు ఆల‌స్యం సింధు మీనన్ ఫ్యామిలీ ఫొటోల‌పై స‌ర‌దాగా ఓ లుక్కేసేయండి.
