ఎటువంటి సినీ బ్యాక్‌గ్రౌండ్ లేక‌పోయినా స్వ‌యంకృషినే న‌మ్ముకుని టాలీవుడ్‌లో స్టార్స్‌గా ఎదిగిన హీరోలు ఎంద‌రో ఉన్నారు. అలాగే భారీ బ్యాక్‌గ్రౌండ్ ఉండి కూడా సక్సెస్ కాలేపోయిన హీరోలూ ఉన్నారు. ఇంత‌కీ ఆ హీరోలు ఎవ‌రో ఇప్పుడు తెలుసుకుందాం.
తారకరత్న: విశ్వ విఖ్యాత నటసార్వభౌముడు, ప్రజానాయకుడు ఎన్.టి.రామారావు గారి మ‌న‌వ‌డిగా సినీ ఇండ‌స్ట్రీలోకి అడుగు పెట్టిన నంద‌మూరి తార‌క‌త్న.. హీరోగా ఎన్నో సినిమాలు చేశాడు. విల‌న్‌గానూ ప‌లు చిత్రాల్లో న‌టించారు. కానీ, స్టార్ స్టేట‌స్‌ను మాత్రం ద‌క్కించుకోలేక‌పోయాడు.
అల్లు శిరీష్: `గౌరవం` సినిమాతో హీరోగా ప్రేక్ష‌కుల‌కు ప‌రిచ‌య‌మైన అల్లు శిరీష్.. నిర్మాత అల్లు అరవింద్ చిన్న కుమారుడు, అల్లు అర్జున్‌కి సోదరుడు మ‌రియు మెగాస్టార్ చిరంజీవికి మేన‌ల్లుడు. ఇంత‌టి బీభ‌త్స‌మైన బ్యాక్‌గ్రౌండ్ ఉండి కూడా శిరీష్ స‌రైన హిట్టే అందుకోలేక‌పోయాడు.
సుశాంత్: నటుడు అక్కినేని నాగేశ్వరరావు మ‌న‌వ‌డిగా టాలీవుడ్‌లోకి ఎంట్రీ ఇచ్చిన సుశాంత్.. కరెంట్, అడ్డా, దొంగాట ఇలా ప‌లు చిత్రాలు చేశాడు. కానీ, ఆయన అనుకున్నంత స్థాయిలో సక్సెస్ కాలేక‌పోయాడు.
గౌతమ్: స్టార్ కమెడియన్‌గా టాలీవుడ్ ఇండస్ట్రీని ఏలిన బ్రహ్మానందం కుమారుడే గౌతమ్. ‘పల్లకిలో పెళ్లి కూతురు’ సినిమాతో హీరోగా ప్రేక్ష‌కుల‌కు ప‌రిచ‌య‌మైన గౌతమ్.. తొలి సినిమాతోనే హిట్ అందుకున్నాడు. కానీ, ఆ త‌ర్వాత ఫేడౌట్ అయిపోయాడు.
మంచు విష్ణు, మంచు మనోజ్: టాలీవుడ్ సీనియ‌ర్ హీరో, క‌లెక్ష‌న్ కింగ్ మోహ‌న్ బాబు త‌న‌యులుగా టాలీవుడ్‌లోకి అడుగు పెట్టిన విష్ణు, మ‌నోజ్‌లు.. స్టార్ హీరోల రేంజ్‌కి ఎద‌గ‌డంలో సక్సెస్ కాలేక‌పోయారు.
ఆర్యన్ రాజేష్: ప్ర‌ముఖ ద‌ర్శ‌కుడు ఇవివి సత్యనారాయణ త‌న‌యుడిగా సినీ ఇండ‌స్ట్రీలోకి వ‌చ్చిన ఆర్యన్ రాజేష్.. కెరీర్ మొద‌ట్లో బాగానే హిట్లు అందుకున్నారు. కానీ, తండ్రి మ‌ర‌ణించాక ఆర్యన్ రాజేష్ సినీ కెరీర్ పూర్తిగా డ‌ల్ అయిపోయింది.