మూవీ ఆర్టిస్ట్ అసోసియేషన్‌(మా) ఎన్నికల వేడి రోజు రోజుకు భారీగా పెరిగిపోతోంది. పోలింగ్‌కు ఇంకా కొన్ని గంట‌ల స‌మ‌యం మాత్ర‌మే ఉండ‌గా.. అటు మంచు విష్ణు వ‌ర్గం, ఇటు ప్రకాష్‌రాజ్ వ‌ర్గం అధ్యక్ష పీఠం కోసం తీవ్ర ప్రయత్నాలు చేస్తున్నారు.
మ‌రోవైపు ఈ ఎన్నికలపై ఎవరికివారు తమ అభిప్రాయాలను వ్యక్తం చేస్తున్నారు. తాజాగా హీరో సిద్ధార్థ్ కూడా మా ఎన్నికలపై స్పందించాడు. మా ఎన్నిక‌ల్లో తనకు ఓటు ఉందని, కచ్చితంగా తాను ఓటు వేస్తానని తెలిపారు. ప్రస్తుతం `మా`లో జరుగుతున్న పరిణామాలన్నింటిని గమనిస్తున్నానని తెలిపారు.
అందరి మాట విని, నా మనసులో ఏమనిపిస్తే వారికే ఓటు వేస్తాను అనిసిద్ధార్థ్ తెలిపారు. ఇక తాను `మా`లో సభ్యుడిని కాబట్టి, తప్పు జరిగితే నిర్మోహమాటంగా ప్రశ్నిస్తానని తెలిపారు. తనకు కోపం ఎక్కువ అని, ఏదైనా ఉన్నది ఉన్నట్టు మాట్లాడతా అని ఆయ‌న చెప్పుకొచ్చారు.