అనుపమ పరమేశ్వరన్.. ప‌రిచ‌యం అవ‌స‌రం లేని పేరు. `అ ఆ` సినిమాతో తెలుగు ఇండ‌స్ట్రీలో అడుగు పెట్టిన ఈ కేర‌ళ ముద్దుగుమ్మ..శతమానం భవతి సినిమాతో మంచి గుర్తింపు ద‌క్కించుకుంది. ఆ త‌ర్వాత వ‌రుస సినిమాలు చేసిన‌ప్ప‌టికీ బిగ్ హిట్‌ను అందుకోలేక‌పోయింది.
కానీ, త‌న‌దైన అందం, అభిన‌యం, న‌ట‌న‌తో ఆక‌ట్టుకుని ఎంద‌రినో త‌న అభిమానుల‌గా మార్చుకుంది. ప్ర‌స్తుతం ఈ భామ నిఖిల్ స‌ర‌స‌న 18పేజెస్ చిత్రంలో న‌టిస్తోంది. అలాగే స్టార్ ప్రొడ్యూసర్ దిల్ రాజు మేనల్లుడు, నిర్మాత శిరీష్ కుమారుడు ఆశిష్ తొలి చిత్రం రౌడీ బాయ్స్ లోనూ అనుపమ న‌టిస్తోంది.
అయితే తాజాగా ఈమూవీ ఫస్ట్ లుక్ లాంచ్ ఈవెంట్‌ను నిర్వ‌హించారు. ఈ ఈవెంట్‌లో అనుపమ స్పెష‌ల్ ఎట్రాక్ష‌న్‌గా నిలిచింది. నడుము అందాలు కనిపించేలా వైట్ టాప్‌ను పైకి ముడివేసి, ట్రెండీ వేర్ లో కిర్రాక్‌గా ఫొటోల‌కు పోజులిచ్చింది. ఇప్పుడు ఈ పిక్స్ నెట్టింట వైర‌ల్‌గా మార‌గా.. వాటిని చూసి అభిమానులు, నెటిజ‌న్లు ఫిదా అయిపోతున్నారు.
